ក្រុមហ៊ុន OnePlus បានបញ្ជាក់ថា ក្រុមហ៊ុននេះនឹងរៀបចំនូវព្រឹត្តិការណ៍មួយនៅថ្ងៃទី 13 ខែតុលានេះនោក្នុងប្រទេសចិនសម្រាប់ស្មាតហ្វូនស៊េរីថ្មីរបស់ខ្លួននោះគឺ OnePlus 9RT ។លក្ខណៈសម្បត្តិរបស់ស្មាតហ្វូននេះក៏ត្រូវបានចែកចាយតាមរយៈរូបភាពផ្សព្វផ្សាយថ្មីផងដែរ។ នៅក្នុងរូបភាពថ្មីចុងក្រោយបំផុតនេះបញ្ជាក់ថា ស្មាតហ្វូន OnePlus 9RT នេះនឹងមានអេក្រង់ 600Hz ultra-sensitive touch។ ស្មាតហ្វូននេះនឹងមានអេក្រង់ Samsung E4 120Hz ដែលមានទំហំ 6.55-inch ។
ស្មាតហ្វូននេះមានបន្ទះឈីប Qualcomm Snapdragon 888 ជាមួយនឹង LPDDR5 RAM និង UFS 3.1 storage ។ ស្មាតហ្វូននេះនឹងទ្រទ្រង់នូវ virtual RAM ដល់ទៅ 7GB ។ វាក៏មានការពង្រឹងទៅលើផ្ទៃនៃប្រព័ន្ធត្រជាក់របស់វាផងដែរដែលមានទំហំ 19067.44mm² ។ ស្មាតហ្វូននេះនឹងមានកាមេរ៉ាទំហំ Sony IMX766 50-Megapixel Sensor, 16-Megapixel Ultra-Wide Lens, 5-Megapixel Macro Sensor និង 2-Megapixel Monochrome Sensor។ សម្រាប់កាមេរ៉ាខាងមុខនោះ វាមានទំហំ 16-Megapixel Sensor។
ស្មាតហ្វូន OnePlus 9RT នេះប្រើប្រាស់នូវ ColorOS 12 ផ្អែកនៅលើប្រព័ន្ធប្រតិបត្តិការ Android 11។ ស្មាតហ្វូននេះមានថាមពលថ្ម 4,500mAh ជាមួយនឹងបច្ចេកវិទ្យា 65W Warp Charge technology ។ ស្មាតហ្វូននេះ នឹងមាន 3 ពណ៌សម្រាប់ធ្វើការជ្រើសរើសនោះគឺពណ៌ទឹកប្រាក់ ខ្មៅ និងខៀវ។ សម្រាប់តម្លៃ និងកាលបរិច្ឆេទនៃការលក់ស្មាតហ្វូននេះនៅមិនទាន់ដឹងនៅឡើយទេ៕
