ថ្មីៗនេះ ក្រុមហ៊ុន Xiaomi ទើបតែប្រកាសចេញនូវស្មាតហ្វូន Civi Series ដែលជាស្មាតហ្វូនលំដាប់ថវិកាមួយ ដែលមានការឌីស្សាញរូបរាងថ្មីប្លែកបំផុត។ ក្រុមហ៊ុនផលិតស្មាតហ្វូននេះ បានបញ្ជាក់ថា ស្មាតហ្វូននេះ គឺមានរូបរាងស្រស់ស្អាតល្អបំផុតនៅក្នុងប្រវត្តិសាស្រ្តរបស់ខ្លួន។ នៅពេលនេះ មានពាក្យចចាមអារ៉ាមថ្មីមួយបានបញ្ជាក់ថា Xiaomi Mi 12 series ស្មាតហ្វូន ដែកលជាម៉ូដែល flagship របស់ខ្លួននឹងបង្ហាញវត្តមានឆាប់ៗនេះហើយ។
យោងតាមរបាយការណ៍ថ្មីៗនេះ ដែលបានបែកធ្លាយនៅលើអនឡាញ ក៏មានការទម្លាយអំពីព័ត៌មានលម្អិតជាច្រើនរបស់ស្មាតហ្វូន Xiaomi flagship ថ្មីនេះផងដែរ។ ស្មាតហ្វូន Mi 12 គឺមានកម្រាស់ស្តើងជាងមុន និងស្រាលជាងមុនបើធៀបជាមួយនឹងស្មាតហ្វូន Mi 11 series ។ ស្មាតហ្វូន Xiaomi Mi 12 នេះនឹងមានថាមពលថ្មទំហំ 5,000mAh។ ស្មាតហ្វូននេះអាចនឹងមានផ្នែកខាងក្រោយធ្វើពីសេរ៉ាមិច ហើយនេះមិនមែនជាលើកដំបូងបំផុតនោះទេដែលក្រុមហ៊ុន Xiaomi ប្រើប្រាស់នៅលើស្មាតហ្វូន Flagship របស់ខ្លួន។ ស្មាតហ្វូន Mi MIX 4 flagship ក៏មានតួខ្លួនសេរ៉ាមិចផងដែរ។
បើតាម Digital Chat Station បានទម្លាយថា ស្មាតហ្វូន Mi 12 មានគែម Bezel ស្តើង និងផ្តល់នូវបទពិសោធន៍យ៉ាងអស្ចារ្យក្នុងការប្រើប្រាស់បំផុត។ ស្មាតហ្វូននេះនឹងមានបន្ទះឈីប Qualcomm Snapdragon 898 ។ ស្មាតហ្វូននេះមានកាមេរ៉ាខាងក្រោយទំហំ 50-megapixel primary sensor ខណៈពេលដែលពាក្យចចាមអារ៉ាមជាច្រើនមុននេះទម្លាយថា ស្មាតហ្វូននេះនឹងមានកាមេរ៉ា 200-megapixel sensor៕