បើមើលទៅលើអេក្រង់ការពារនៅលើស្មាតហ្វូន Samsung Galaxy S22 និង Galaxy S22+ អាចអោយយើងមើលឃើញនូវការឌីស្សាញទៅលើអេក្រង់របស់ស្មាតហ្វូនទាំងពីរនេះ ដូចនេះ ស្មាតហ្វូន Flagship ឆ្នាំ 2022 របស់ក្រុមហ៊ុន Samsung មួយនេះ នឹងមានអេក្រង់ដែលស្តើងជាងមុន។
អ្នកទម្លាយព័ត៌មាន Ice universe (@UniverseIce) ក៏បានធ្វើការប្រៀបធៀបអេក្រង់របស់ស្មាតហ្វូន Galaxy S22 និង Galaxy S22+ ជាមួយនឹងអេក្រង់ការពាររបស់ស្មាតហ្វូន Galaxy S21 និង Galaxy S21+ ។
សម្រាប់ស្មាតហ្វូនម៉ូឌែល 2022 នេះគឺមានគែម Bezels ស្តើងមែនទែន។ ស្មាតហ្វូន Galaxy S21 នេះគឺមានកម្រិតអេក្រង់ 20:9 ខណៈពេលដែលស្មាតហ្វូន Galaxy S22 និង Galaxy S22+ គឺមានកម្រិតអេក្រង់ 19.5:9 ។ ស្មាតហ្វូន Galaxy S22 Series នេះនឹងមានម៉ូឌែល Galaxy S22, Galaxy S22+ និង Galaxy S 22 Ultra ។ ស្មាតហ្វូននេះ មានកាមេរ៉ាខាងមុខ Hole-Punch ហើយវាក៏មានកាមេរ៉ាខាងក្រោមអេក្រង់ផងដែរ។
បើមើលទៅលើកាមេរ៉ារបស់ស្មាតហ្វូននេះ ស្មាតហ្វូន Galaxy S22 និង Galaxy S22+ គឺមានកាមេរ៉ា 50MP ជាមួយនឹង Samsung's ISOCELL GN5 sensor ហើយវាក៏មានមុខងារ autofocus និង 1.0µm pixels ។ ស្មាតហ្វូនទាំងនេះគឺមានបន្ទះឈីប 4nm Samsung Exynos 2200 ដែលបង្កើតឡើងដោយក្រុមហ៊ុន Samsung Foundry ៕