បន្ទាប់ពីទទួលបាននូវភាពជោគជ័យដ៏ត្រចះត្រចង់នៅក្នុងអាជីវកម្មរបស់ខ្លួន ក្រុមហ៊ុន Xiaomi ត្រូវបានគេស្គាល់ថា បានធ្វើការវិនិយោគ និងការស្នើរនូវប៉ាតង់ថ្មីៗជាច្រើនសម្រាប់ផលិតផលងថ្មីៗរបស់ខ្លួន ទាំងសម្រាប់ទីផ្សារក្នុងស្រុក និងទីផ្សារសកាល។ តាមព័ត៌មានថ្មីនៅថ្ងៃនេះ គឺបានបង្ហាញថា ក្រុមហ៊ុនស្មាតហ្វូនចិនមួយ នឹងទទួលបាននូវប៉ាតង់ជាច្រើនពាក់ព័ន្ធទៅនឹងស្មាតហ្វូន រួមនិងគ្រឿងអេឡិចត្រូនិចជាច្រើនទៀត ដោយផលិតផលខ្លះ នឹងមានវត្តមាននៅលើទីផ្សារ ប៉ុន្តែផលិតផលផ្សេងទៀតប្រហែលជាមិនទាន់បង្ហាញខ្លួននៅឡើយទេ។
ប្រភពខាងលើនេះបានបន្តថា សម្រាប់ប៉ាតង់មួយដែលក្រុមហ៊ុននេះ បានស្នើសុំកាលពីខែកញ្ញាឆ្នាំមុននេះ ក៏ត្រូវបានទម្លាយនៅក្នុងពេលនេះផងដែរ។ នៅក្នុងឯកសារប៉ាតង់នេះ គឺមានការបង្ហាញថា ស្មាតហ្វូនរបស់ក្រុមហ៊ុន Xiaomi នេះគឺមានគែមមូល។ អេក្រង់ខាងមុខរបស់ស្មាតហ្វូននេះ ក៏មានមានគែម Bezels កោងផងដែរ។ កាមេរ៉ាខាងមុខរបស់ស្មាតហ្វូននេះ គឺស្ថិតនៅគែមផ្នែកខាងឆ្វេង។ កាមេរ៉ាខាងក្រោយរបស់ស្មាតហ្វូននេះ គឺមាន Zoom Periscope និងភ្លើង LED Flash ផងដែរ។
គួរបញ្ជាក់ផងដែរថា កាលពីថ្ងៃទី 25 ខែកញ្ញាឆ្នាំ 202០ កន្លងទៅនេះ ក្រុមហ៊ុននេះ បានស្នើសុំនូវប៉ាតង់មួយ ហើយស្មាតហ្វូនថ្មីនេះ ក៏ត្រូវបានទម្លាយនៅថ្ងៃទី 15 ខែតុលា ឆ្នាំ 2021 នេះផងដែរ។ ស្មាតហ្វូន Xiaomi នេះ គឺមានអេក្រង់កោងជាមួយនឹងគែមមូល។ ផ្នែកខាងក្រោយរបស់ស្មាតហ្វូននេះ គឺមានកាមេរ៉ា 3 គ្រាប់ហើយកាមេរ៉ាគោលទំហំ 108MP ៕