យោងតាមពាក្យចចាមអារាមថ្មី ដែលបែកធ្លាយនៅថ្ងៃនេះ គឺបាននិយាយថា realme Watch T1 ដែលជានិឡិកាស៊េរីថ្មី គឺនឹងមានការរចនាជាមួយនឹងគែម Stainless-Steel Frame ហើយនិងមានអេក្រង់ទ្រទ្រង់នូវ Refresh Rate ខ្ពស់ជាងមុន។ ពួកគេបាននិយាយទៀតថា នាឡិកាស៊េរីថ្មីនេះ នឹងមានការប្រើប្រាស់នូវបន្ទះឈីបចំនួន 3 សម្រាប់ធ្វើការនៅលើការតាមដានសុខភាពថែមទៀតផង បន្ថែមពីនេះ ក៏មានការព្យាករណ៍នាឡិកានេះ មានការទ្រទ្រង់ជាមួយនឹង voice calls តាមរយៈប៊្លូធូសផងដែរ។
ប្រភពខាងលើនេះក៏បានបញ្ជាក់ទៀតថា ស្មាតហ្វូន realme Q3s ហើយនិង realme GT Neo2T ក៏នឹងក្លាយជាសមិទ្ធិផលថ្មីនៅក្នុងព្រឹតិ្តការណ៍ realme event ដែលនឹងប្រារព្ធឡើងនៅថ្ងៃស្អែកទី 19 ខែតុលានេះផងដែរ។ បើតាមការលេចធ្លាយកន្លងមកបង្ហាញថា realme Q3s នឹងបំពាក់មកជាមួយនូវអេក្រង់ទំហំ 6.59 អ៊ីងដែលជាប្រភេទ LTPS Display មានសមត្ថភាពបង្ហាញចេញបានក្នុងកម្រិត FHD+ និងមានល្បឿន 144Hz display។
ស្មាតហ្វូន realme Q3s ដំណើរការលើឈីប Snapdragon 778G មានកាមេរ៉ាមុខទំហំ 16-megapixel និងកាមេរ៉ាក្រោយ 3 គ្រាប់ ដែលលែនគោលទំហំ 48-megapixel ហើយនឹងមានថ្មទំហំ 5,000mAh ដែលគាំទ្រដោយបច្ចេកវិទ្យាសាកកម្លាំង 30W fast charging ផងដែរ។
សម្រាប់ម៉ូដែល realme GT Neo2T គឺនិងមានអេក្រង់ AMOLED មានទំហំ 6.43 អ៊ីង បង្ហាញចេញបានក្នុងគុណភាព FHD+ និងមានល្បឿន 120Hz។ ស្មាតហ្វូននេះប្រើប្រាស់ឈីប Dimensity 1200 និងមានកាមេរ៉ាមុខ 16-Megapixel selfie និងមានកាមេរ៉ាក្រោយ 3 គ្រាប់ដូចគ្នា ខណៈដែលលែនគោលស្មាតហ្វូននេះគឺមានទំហំ 64-megapixel។ ស្មាតហ្វូននេះមានថ្មទំហំ 4,500mAh និងមានកម្លាំងសាក 65W fast charging។មកដល់ពេលនេះ នៅមិនទាន់មានការបញ្ជាក់ពីតម្លៃរបស់ផលិតផលទាំងនេះនោះទេ។
