យោងតាមព័ត៌មានដែលបានចេញផ្សាយកន្លងមក គឺបាននិយាយថា ក្រុមហ៊ុន Samsung នឹងប្រកាសចេញនូវស្មាតហ្វូន Galaxy S22 Series របស់ខ្លួននៅក្នុងខែមករាឆ្នាំក្រោយនេះហើយ។ ជាមួយនិងវត្តមានរបស់ស្មាតហ្វូននេះ ក៏មានការទកម្លាយចេញនូវព័ត៌មានជាច្រើនរួចមកហើយផងដែរ។
ស្មាតហ្វូនជំនាន់ថ្មីនេះ នឹងមានបីម៉ូដែលដូចរាល់ឆ្នាំ គឺមាន Galaxy S22, S22+ និង S22 Ultra។ សម្រាប់ឆ្នាំនេះគឺនឹងមានការផ្លាស់ប្តូរច្រើនទៅលើការរចនារូបរាងខាងក្រៅ ជាពិសេសគឺសម្រាប់ម៉ូដែល Galaxy S22 Ultra ដោយក្រុមហ៊ុននេះបានអាប់ដែតជាខ្លាំងសម្រាប់បងធំ S-Series មួយនេះ។
.jpg)
ស្មាតហ្វូន S22 Ultra នឹងមានការផ្លាស់ប្តូរដ៏ធំមួយ ដោយឆ្នាំនេះ ម៉ូដែលនេះ នឹងមានការបន្ថែមនូវរន្ធសម្រាប់ S-Pen ក៏ដូចជាការឌីស្សាញកាមេរ៉ា។ បើតាមទម្លាយកន្លងមក កឺមានការបញ្ជាក់ថា ស្មាតហ្វូន S22 Ultra នឹងមានកាមេរ់ាកមរោយតំរៀបគ្នានៅលើជ្រុងមួយដែលមានរាងជាអក្សរ P-Shaped។ ប៉ុន្តែបើតាមការបង្ហាញរូបភាពចុងក្រោយថ្ងៃនេះ គឺមិនមែនដូចការបែកធ្លាយកន្លងមកទេ ដោយការមេរ៉ានេះ គឺមានការរចនាតំរៀបគ្នាដូចទៅហ្នឹងស្មាតហ្វូនជំនាន់មុនៗដែលចេញលក់នៅលើទីផ្សារកន្លងមកអញ្ចឹង។
នៅថ្ងៃនេះគឺមានការបែកធ្លាយគំរូថ្មីរបស់ Galaxy S22 Ultra ដែលរូបភាពនេះ គឺត្រូវបានរចនាដោយក្រុមការងារក្មេងរបស់ LetsGoDigital ហើយនិង Technizo Concept ហើយរូបភាពនេះ គឺឌីស្សាញដោយមានការផ្អែកលើព័ត៌មានរបស់អ្នកទម្លាយនៅប្រទេសកូរ៉េខាងត្បូងដែលមានឈ្មោះថា Super Roader។ រូបភាពគំរូថ្មីនេះ មានការរចនាខុសគ្នាពីការលេចធ្លាយកាលពីមុន ដោយម្តងនេះក្រុមហ៊ុនបានធ្វើការឌីស្សាញកាមេរ៉ាដូចជាគ្រាប់ដំណក់ទឹកអញ្ចឹង។ បើយើងមើលលើរូបភាពចាស់ គឺមានការឌីស្សាញលើផ្ទៃតែមួយដែលមានរងជាអក្សរ P-shaped។
.jpg)
ការឌីស្សាញរូបរាងជាតំណក់ទឹកបែបនេះ ត្រូវបានគេហៅថា “raindrop” ដែលជាស្ទីលចាស់ធ្លាប់ប្រើជាមួយនឹង LG Velvet និង Samsung Galaxy A32 រួចមកហើយ។ ការផ្លាស់ប្តូរគំរូនេះគឺគ្រាន់តែមានការបន្ថែមជាមួយកាមេរ៉ា 2 គ្រាប់ផ្សេងងទៀតប៉ុណ្ណោះ។ បន្ថែមពីលើរូបភាពគំរូថ្មីនេះ អ្នកទម្លាយ IceUniverse ក៏បានចែករំលែកនូវព័ត៌មានផ្សេងមួយចំនួនផងដែរ ដោយនិយាយថា S22 Ultra នឹងមានទម្ងន់ 228 grams។ ការឌីស្សាញដែលមានទម្ងន់បែបនេះ គឺដោយសារតែស្មាតហ្វូននេះមានបន្ថែមនូវកាមេរ៉ា និងរន្ធសម្រាប់ S Pen។ ស្មាតហ្វូន S22 Ultra នឹងបង្ហាញខ្លួនជាមួយពណ៍ស្រស់ៗជាច្រើនដូចជា ពណ៌ Black, White ហើយនិង Burgundy Red ជាដើម។
