បើនិយាយពីពាក្យចចាមអារ៉ាម ដែលបានលើកឡើងពីថេប្លេត Galaxy Tab S8 Ultra នោះ គឺបានចាប់ផ្តើមដំណើរការជាយូរណាស់មកហើយ គឺតាំងពីនៅក្នុងរដូវក្តៅមកម្លេះ ប៉ុន្តែទើបតែថ្មីៗនេះទេ ដែលយើងទទួលបាននូវព័ត៌មានច្បាស់លាស់ពីការឌីស្សាញរូបរាង និងលក្ខណៈពិសេសរបស់របស់ថេប្លេតនេះ។ តាមការមើលឃើញទៅលើរូបភាព Renders កន្លងមក គឺបានបងា្ហញថា ថេប្លេតថ្មីនេះ នឹងភ្ជាប់មកជាមួយ Notch ដែលស្រដៀងទៅនឹង MacBooks នៅឆ្នាំនេះអញ្ចឹង។
នៅថ្ងៃដើម្បីបញ្ចប់នូវការសង្ស័យច្រើន Ice Universe បានចែករំលែកនូវរូបភាពថ្មីរបស់ថេប្លេតនេះហើយ ដោយបង្ហាញថា អ្វីដែលយើងបានមើលឃើញនោះ គឺដូចគ្នាទៅនឹងរូបភាព render ផ្លូវការណ៍របស់ Galaxy Tab S8 Ultraអញ្ចឹង គឺពិតជាបញ្ជាក់ពីនៃ Notch នៅលើអេក្រង់ពិតមែន។ សូមជំរាបថា អ្នកទម្លាយរូបនេះ តែងតែបញ្ចេញនូវព័ត៌មានពិត និងត្រឹមត្រូវអាចជឿជាកបាន។ ហើយរូបភាពទាំងនោះ ក៏ត្រូវបានបញ្ជាក់ដោយអ្នកណែនាំ Samsung ដ៏ល្បីល្បាញបំផុតមួយនៅលើអនឡាញផងដែរ។
បន្ថែមពីនេះក៏មានការបញ្ជាក់ថា រន្ធ Notch នៅលើអេក្រង់របស់ថេប្លេតមួយនេះ គឺមានញាត់ចូលនៅកាមេរ៉ា Selfie ចំនួនពីរ ដែលមួយក្នុងចំណោមនោះ គឺអាចនឹងធ្វើការច្រើនយ៉ាង។ ហើយកាមេរ៉ានេះ គឺមានសមត្ថភាពអាចថតវីដេអូកម្រិត 2160p@60fps ផងដែរ ដូច្នេះហើយ លោកអ្នកនឹងទទួលបាននូវបទពិសោធន៍ថ្មីមួយទៀតហើយពីផលិតផលថ្មីនេះ។ ហើយតាមរូបភាពរបស់ Notch នេះ គឺមើលទៅលើរន្ធនេះ គឺមានទំហំតូចជាងរន្ធដែលយើងឃើញនៅលើ MacBooks ។