ថ្មីៗនេះ និស្សិតម្នាក់ចេញពីសាកលវិទ្យាល័យចិន បានទទួលជោគជ័យនៅក្នុងការដាក់អោយប្រើប្រាស់នូវ USB Type-C interface នៅលើស្មាតហ្វូន iPhone X។ នេះមិនមានអ្វីដែលទាក់ទាញដល់ទីផ្សារពិភពលោកនោះទេ ប៉ុន្តែគំរូរបស់ស្មាតហ្វូននេះ គឺដាក់ដេញថ្លៃនៅក្នុងតម្លៃដល់ទៅ $550,000។ នេះបង្ហាញថា ឧស្សាហកម្មនេះ ពិតជាចង់អោយមានការប្រើប្រាស់នូវ USB Type-C នៅលើស្មាតហ្វូន iPhone នេះ។
តាមការបញ្ជាក់នៅក្នុងរបាយការណ៍ជាច្រើនចេញពី iDropNews នោះ គឺអះអាងថាក្រុមហ៊ុន Apple កំពុងតែពិចារណាក្នុងការប្រើប្រាស់នូវ USB Type-C នៅលើស្មាតហ្វូន iPhone 14 Pro។ មានហេតុផលសំខាន់ 3 ដែលក្រុមហ៊ុន Apple ពិចារណាក្នុងការប្រើប្រាស់នូវ USB Type-C នៅលើស្មាតហ្វូន iPhone 14 Pro។
1. ការបង្កើននូវកម្រិតនៃការបញ្ចូនទិន្នន័យ
ការប្រើប្រាស់នូវ Lightning interface គឺចាប់ផ្តើមតាំងពីឆ្នាំ 2012 ហើយមានល្បឿនដូចទៅនឹង USB 2.0 ។ នៅក្នុងការថតវីដេអូ 1 នាទីទៅលើ 4K ProRes គឺមានទំហំដល់ទៅ 6GB ហើយនៅក្នុងការប្រើប្រាស់នូវ Lightning port គឺពិតជាយូរមែនទែន។ ដូចនេះ នៅក្នុងវីដេអូ 4K ProRes ដែលមានរយៈពេល 2 ម៉ោងគឺមានទំហំ 720GB ហើយវាចំណាយពេលវេលា 3 ម៉ោង 45 នាទីក្នុងការប្រើប្រាស់នូវ Lightning Port។ នៅក្នុងការប្រើប្រាស់នូវ USB4 វិញ វាចំណាយពេលវេលា 2 នាទីនិង 38 វិនាទី។ ក្រុមហ៊ុន Apple សង្ឃឹមថា ស្មាតហ្វូន iPhone 14 Pro នឹងប្រើប្រាស់នូវ USB Type-C ជាក់ជាមិនខាន។
2. ការជៀសផុតពីហានិភ័យផ្នែកផ្លូវច្បាប់
នៅពេលនេះ ទាំងសហរដ្ឋអាមេរិក និងសហភាពអ៊ឺរ៉ុប បានធ្វើការលើកកម្ពស់យ៉ាងខ្លាំងទៅលើការប្រើប្រាស់នូវ Charging Interface មួយដែលគេប្រើប្រាស់ស្តង់ដារនោះគឺ USB Type-C ដែលបានប្រើប្រាស់នៅលើ iPad Pro ហើយ។ ដូចនេះ ឆាប់ៗនេះ iPhone នឹងប្រើប្រាស់នូវ Type-C ជាក់ជាមិនខាន។
3. ការការពារបរិស្ថាន
ក្រុមហ៊ុន Apple លែងដាក់នូវក្បាលឆ្នាំងសាកថ្ម និងកាសនៅលើស្មាតហ្វូន iPhone 12 និង iPhone 13 Series ។ ជាការពិតណាស់ ក្រុមហ៊ុននេះ ក៏មិនមានប្រើប្រាស់នូវ Plastic Film នៅក្នុងប្រអប់របស់វានោះទេ។ តាមការបញ្ជាក់របស់ក្រុមហ៊ុន Apple វាក៏បានដកចេញនូវមុខងារជាច្រើនដោយសារតែក្រុមហ៊ុននេះមានការព្រួយបារម្ភអំពីការថែរក្សាទៅលើបរិស្ថាន។ ក្រុមហ៊ុន Apple បានអះអាងថា ខ្លួននឹងក្លាយជាអ្នកបំផ្លាញបរិស្ថានប្រសិនបើប្រើប្រាស់នូវមុខងារទាំងនេះ។ ការប្រើប្រាស់នូវ charging interfaceតែមួយដូចទៅនឹង Android នឹងកាត់បន្ថយទៅលើការបំផ្លាញបរិស្ថានផងដែរ៕
