កាលពីខែមុននេះ លោក Madhav Sheth ដែលជាអគ្គនាយករងប្រេនស្មាតហ្វូន realme បាននិយាយនៅក្នុងបទសម្ភាសន៍ មួយថា នៅឆ្នាំក្រោយនេះ ក្រុមហ៊ុន realme គឺមានគម្រោងនៅក្នុងការប្រកាសចេញនូវស្មាតហ្វូន "ultra-premium flagship" សម្រាប់ត្រកូល GT series របស់ខ្លួន ដែលនឹងមានការបំពាក់មកជាមួយនូវបច្ចេកវិទ្យាសាកកម្លាំង 125W UltraDart charging ថែមទៀតផង។ ប៉ុន្តែមិនទាន់មានការបញ្ជាក់ថា ស្មាតហ្វូនថ្មីនេះ នឹងក្លាយជាស្មាតហ្វូនដំបូង សម្រាប់ប្រេន realme ដែលប្រើប្រាស់នូវបច្ចេកវិទ្យាសាក 125W charging នេះនោះទេ។
បើយោងតាមរបាយការណ៍ចេញពីប្រទេសចិន គឺបានបញ្ជាក់ថា ស្មាតហ្វូន GT 2 Pro ដែលមានលេខម៉ូដែល (RMX3301) និងក្លាយជាស្មាតហ្វូនមួយនៅក្នុងចំណោមស្មាតហ្វូនជំនាន់ថ្មី ដែលនឹងមានប្រើប្រាស់បច្ចេកវិទ្យាសាកកម្លាំង 125W នេះ។ ហើយបន្ថែមពីនេះ ក៏មានការទម្លាយថា ស្មាតហ្វូន realme GT 2 Pro គឺនឹងដំណើរការជាមួយឈីប Qualcomm's next-gen flagship chip ដែលគេរំពឹងថា គឺជាបន្ទះឈីប Snapdragon 8 Gen 1 ឬ Snapdragon 898 ហើយនិងមានអម ដំណើរជាមួយ LPDDR5 RAM ហើយនិងអង្គផ្ទុកទិន្នន័យ UFS 3.1 ថែមទៀតផង។ ស្មាតហ្វូននេះ និងរត់លើប្រព័ន្ធ ប្រតិបត្តិការ Android 12 ដែលផ្អែកលើ realme UI 3.0 ចេញពីប្រអប់តែម្តង។
ស្មាតហ្វូន realme GT 2 Pro នឹងមានការវេចខ្ចប់ជាមួយនឹងអេក្រង់ AMOLED screen ទំហំ 6.51 អ៊ីង មានសមត្ថភាពអាច បង្ហាញចេញបានក្នុងកម្រិត FullHD+ និងមានល្បឿន 120Hz refresh rate។ និយាយពីការថតរូប ស្មាតហ្វូន realme GT 2 Pro នឹងមានបំពាក់នូវកាមេរ៉ាមុខទំហំ 32MP និងមានកាមេរ៉ាក្រោយទំហំ 50MP primary camera ដែលទ្រទ្រង់ជាមួយ OIS ថែមទៀតផង។ កាមេរ៉ាក្រោយនេះ ក៏មានការរួមដំណើរដោយកាមេរ៉ា ultrawide camera និង telephoto unit ផងដែរ។ realme GT 2 Pro នឹងចេញលក់នៅក្នុងតម្លៃខ្ទង់ CNY4,000 ($625/€555)។