ក្រុមហ៊ុន OPPO ត្រៀមបើកព្រឹត្តិការណ៍ពិសេសមួយនាថ្ងៃទី 25 ខែវិចិ្ឆកា ឆ្នាំ 2021 ខាងមុខនេះ ដែលនៅក្នុងព្រឹត្តិការណ៍ថ្ងៃនោះត្រូវបានគេដឹងថា OPPO នឹងដាក់បង្ហាញចេញផ្លូវការណ៍នូវស្មាតហ្វូនជំនាន់ថ្មីគឺ OPPO Reno 7 Series ដែលមានដូចជា Reno 7, Reno 7 Pro និង Reno 7 SE។
ហើយខាងក្រោមនេះ គឺជាគុណសម្បត្តិមួយចំនួនរបស់បងប្អូន Reno 7 ដែលត្រូវបានបង្ហាញដោយបណ្តាញក្រុមហ៊ុន JD.com។
-OPPO Reno 7
បើតាមការចុះក្នុងបញ្ចីលក់របស់ JD.com បានឲ្យដឹងថាម៉ូដែល Reno 7 គឺមានជម្រើសពណ៌ខៀវ (Star Rain Wish),ទឹកមាស (Dawn Gold) និង ខ្មៅ (Starry Night Black)។ ស្មាតហ្វូនស៊េរីថ្មីនេះមានអេក្រង់ប្រភេទ Punch-Hole Display ដែលមានលែនទម្លុះអេក្រង់ស្ថិតនៅជិតគែមខាងឆ្វេងអេក្រង់ និងមានប្រព័ន្ធកាមេរ៉ាក្រោយចំនួន 3 គ្រាប់ភ្ជាប់នូវសែនស័រគោលទំហំ 64MP។ OPPO Reno 7 មានកម្រាស់ស្តើងត្រឹមតែ 7.59mm។ ស្មាតហ្វូនជំនាន់ថ្មីនេះបំពាក់នូវបន្ទះឈីប Snapdragon 778G មានថ្មទំហំ 4,500mAm គាំទ្របច្ចេកវិទ្យាសាកភ្លើងល្បឿនលឿនកំលាំង 65W។ Reno 7 នឹងមានជម្រើសម៉ូដែលរ៉េមទំហំ 8GB ដល់ 12GB ជាមួយទំហំផ្ទុកក្នុងម៉ាស៊ីនទំហំ 128GB ដល់ 256GB។
-OPPO Reno 7 Pro
សម្រាប់ម៉ូដែល Reno Pro នេះវិញគឺនឹងមានជម្រើស 3 ពណ៌ មានអេក្រង់ Punch-Hole ដូច Reno 7 ដែរ ប៉ុន្តែ មានកាមេរ៉ាក្រោយចំនួន 4 គ្រាប់ និងមានកម្រាស់ 7.45mm។ OPPO Reno 7 Pro នឹងប្រើនូវបន្ទះឈីប MediaTek Dimensity 1200 Max មានថ្មទំហំ 4,500mAh និងគាំទ្របច្ចេកវិទ្យាសាកភ្លើងកំលាំង 65W។ ស្មាតហ្វូនជំនាន់ថ្មីនេះគឺមានជម្រើសម៉ូដែលរ៉េមទំហំ 8GB/12GB និងម៉េមូរីទំហំ 128GB ដល់ 256GB។
-OPPO Reno 7 SE
ដោយឡែកម៉ូដែល Reno 7 SE គឺនឹងមានអេក្រង់ Punch-Hole Display និងមានជម្រើសបីពណ៌ដូចជាម៉ូដែល Reno 7 និង Reno 7 Pro ដែរ។ ម៉ូដែលនេះគឺមានកាមេរ៉ាក្រោយចំនួន 3 គ្រាប់ដូចម៉ូដែល Reno 7។ យ៉ាងណាមិញសម្រាប់បន្ទះឈីបដែលបំពាក់នៅលើ Reno 7 SE គឺប្រភពមិនបានបញ្ជាក់នោះទេ ដោយគ្រាន់តែបង្ហាញថា ម៉ូដែលនេះគឺមានជម្រើសរ៉េម 8GB ជាមួយម៉េមូរីក្នុងម៉ាស៊ីនទំហំ 128GB ដល់ 256GB។ ម្យ៉ាងទៀតសម្រាប់តម្លៃ និងគុណសម្បត្តិផ្សេងៗទៀតរបស់ស្មាតហ្វូនជំនាន់ថ្មីក្នុងស្រឡាយ Reno របស់ OPPO ប្រភពមិនប្រាប់ឲ្យដឹងនោះទេ ដូច្នេះមានតែរងចាំតាមដាន និងអ៊ុតពីតម្លៃទាំងអស់គ្នានៅថ្ងៃទី 25 តុលា 2021 ខាងមុននេះ៕
