កាលពីខែតុលាកន្លងទៅនេះ ស្មាតហ្វូន OnePlus 9RT និងកាសស្តាប់ Buds Z2 TWS បានបង្ហាញខ្លួននៅក្នុងប្រទេសចិនរួចហើយ ស្មាតហ្វូនត្រូវបានគេដឹងថា គ្រោងនឹងបង្ហាញខ្លួនជាផ្លូវការនៅក្នុងប្រទេសឥណ្ឌានៅខែក្រោយនេះផងដែរ។ ស្មាតហ្វូននេះនឹងមានឈ្មោះហៅថា OnePlus RT ។
បើតាមប្រភពថ្មីមួយ គឺមានការបញ្ជាក់ថា ស្មាតហ្វូន OnePlus RT នេះនឹងមានពណ៌ Hacker Black និង Nano Silver នៅក្នុងប្រទេសឥណ្ឌា ខណៈពេលដែលកាសស្តាប់ Buds Z2 នឹងមានពណ៌ Obsidian Black និងPearl White។ ស្មាតហ្វូន OnePlus 9RT នឹងមានបន្ទះឈីប Snapdragon 888 SoC រ៉េម 12GB RAM និងម៉េមូរីទំហំ 256GB storage ។ ស្មាតហ្វូននេះ ប្រើប្រាស់នូវ Android 11 ជាមួយនឹង ColorOS 12 ផងដែរ។
ស្មាតហ្វូននេះ មានអេក្រង់ទំហំ 6.62" 120Hz FullHD+ AMOLED ជាមួយនឹងថ្មទំហំ 4,500 mAh និងរន្ធដោតសាកថ្ម USB-C port ជាមួយនឹងកម្លាំង 65W ថែមទៀតផង។ ស្មាតហ្វូននេះ មានកាមេរ៉ាខាងមុខទំហំ 16MP Selfie ជាមួយនឹងកាមេរ៉ាខាងក្រោយទំហំ 50MP primary (OIS), 16MP ultrawide និង 2MP macro។ OnePlus 9RT មានប្រព័ន្ធស្កេនក្រយ៉ៅដៃនៅលើអេក្រង់ NFC និង Stereo speakers ផងដែរ។
បើនិយាយអំពីកាសស្តាប់ OnePlus Buds Z2 វិញនោះ គឺមានកម្រិត 11mm dynamic drivers ជាមួយនឹងមុខងារ Active Noise Cancellation (ANC) ដែលកាត់បន្ថយទៅលើសំឡេងរំខានបានដល់ទៅ 40dB ។ កាសស្តាប់ Buds Z2 នេះមានបច្ចេកវិទ្យា Bluetooth 5.2 និងSBC និង AAC Bluetooth codecs ផងដែរ។ កាសស្តាប់នេះទ្រទ្រង់នូវ Dolby Atmos និង IP55 ខណៈពេលដែលប្រអប់សាកថ្មរបស់វាទ្រទ្រង់នូវ IPX4 ផងដែរ៕
