Redmi Note 11 4G បំពាក់កាមេរ៉ាក្រោយ 3 គ្រាប់ និងបន្ទះឈីប MediaTek Helio G85 SoC បង្ហាញខ្លួនក្នុងប្រទេសចិន

ក្រុមហ៊ុនបច្ចេកវិទ្យាយក្សរបស់ចិន Xiaomi ទើបតែបង្ហាញនូវស្មាតហ្វូន Redmi Note 11 series នៅក្នុងប្រទេសចិន បន្ទាប់ពីការបង្ហាញនូវវត្តមានរបស់ស្មាតហ្វូន Redmi Note 11 5G, Redmi Note 11 Pro 5G និង Redmi Note 11 Pro+ 5G រួចមក។ ស្មាតហ្វូនប្រភេទ 4G នេះគឺជាស្មាតហ្វូនដែលមានតម្លៃសមរម្យរបស់ក្រុមហ៊ុន Redmi ។ ស្មាតហ្វូន  Redmi Note 11 4G នេះប្រើប្រាស់នូវបន្ទះឈីប MediaTek SoC និងកាមេរ៉ាខាងក្រោយ3 គ្រាប់។ 

ស្មាតហ្វូននេះ ក៏បង្ហាញខ្លួននៅក្នុងប្រទេសឥណ្ឌាផងដែរជាមួយនឹងឈ្មោះហៅថា Redmi 10 2022 ។ ស្មាតហ្វូន  Redmi Note 11 4G ថ្មីរបស់ក្រុមហ៊ុន Xiaomi នេះគឺមាន 2 ទំហំនោះគឺ  4GB+128GB ដែលមានតម្លៃ CNY 999 ឬRs 11,650 ខណៈពេលដែលទំហំ 6GB+128GB គឺមានតម្លៃ CNY 1099 ឬ  Rs 12,800 ។ ស្មាតហ្វូននេះមានពណ៌ខៀវ ស និងខ្មៅ។ ស្មាតហ្វូន Redmi Note 11 4G នេះមានអេក្រង់ 6.5 អ៊ីង LCD ដែលមានកម្រិតភាពច្បាស់ Full HD+។ អេក្រង់នេះជាប្រភេទ punch-hole ដែលមានគែម bezels ដែលពិតជាស្តើងមែនទែន។ អេក្រង់មានកម្រិតអេក្រង់ 90Hz refresh rate និងមានល្បឿន180Hz touch-sampling rate ។ ស្មាតហ្វូននេះមានកាមេរ៉ាខាងមុខទំហំ 8MP selfie និងកាមេរ៉ាខាងក្រោយទំហំ 50MP, 8MP ultra-wide និង  2MP macro lens។

ស្មាតហ្វូននេះមានបន្ទះឈីប MediaTek Helio G85 SoC រ៉េមទំហំ 6GB និងម៉េមូរីទំហំ 128GB ។ ស្មាតហ្វូននេះមានថាមពលថ្មទំហំ 5000 mAh និងបច្ចេកវិទ្យាសាកថ្ម 18W wired fast charging និង  9W reverse charging ។ វាប្រើប្រាស់នូវប្រព័ន្ធប្រតិបត្តិការ  Android 11 ជាមួយនឹង MIUI 12.5 ។ វាក៏មាន  4G VoLTE, Wi-Fi 802.11ac, Bluetooth 5.1, GPS, IR Blaster, 3.5mm headphone jack, USB Type-C port, dual speakers ជាដើម៕