ថ្មីៗនេះ ក្រុមហ៊ុន Caviar ទើបតែប្រកាសចេញនូវផលិតផលថ្មីមួយទៀតរបស់ខ្លួន ដែលមើលគួរអោយចាប់អារម្មណ៍ខ្លាំងមែនទែន។ ផលិតផលថ្មីនេះ គឺ iPhone 13 Pro ម៉ូដែលពិសេស Elon Musk ដែលស្មាតហ្វូននេះ គឺមានតួខ្លួនត្រូវបានគេផលិតចេញពីលោហធាតុរបស់រថយន្ត Tesla តែម្តង។
សូមជំរាបថា ថ្មីៗនេះ ក្រុមហ៊ុនផលិតគ្រឿងប្រណិតរបស់ប្រទេសរុស្សីនេះ ក៏ទើបតែបង្ហាញនូវស្មាតហ្វូន iPhone 13 Pro និង iPhone 13 Pro Max Electro ផងដែរ ដែលនស្មាតហ្វូននេះ គឺជាផលិតផលចុងក្រោយបំផុតនៃស្មាតហ្វូនត្រកូល iPhone 13 Series។ ស្មាតហ្វូននេះ មានគែមដែលប្រើប្រាស់នូវទីតាញ៉ូមជាមួយនឹងទឹកថ្នាំ PVD ពណ៌ខ្មៅ។
សម្រាប់លោហធាតុដែលយកមកផលិតរថយន្ត Tesla នេះ គឺប្រើប្រាស់ក្នុងការផលិតទៅលើស្មាតហ្វូននេះ។ ជាមួយនឹងការផលិតចេញនូវស្មាតហ្វូន Tesla Electro នេះ ត្រូវបានក្រុមហ៊ុននេះផលិតចេញត្រឹមតែ 99 គ្រឿងប៉ុណ្ណោះ ហើយនិងចេញលក់ជាមួយតម្លៃចាប់ផ្តើមពី 6,760 សហរដ្ឋអាមេរិកឡើងទៅ។
សម្រាប់ការប្រកាសចេញរបស់ក្រុមហ៊ុន Caviar ទៅលើស្មាតហ្វូន iPhone 13 Pro ដែលមានរូបតំណាង Elon Musk នេះគឺ ផលិតចេញមកត្រឹមតែចំនួនតែ 27 គ្រឿងប៉ុណ្ណោះ ហើយតួខ្លួនរបស់ស្មាតហ្វូននេះ គឺផលិតចេញពីលោហធាតុរបស់រថយន្ត Tesla Model 3 តែម្តង។ ក្រុមហ៊ុន Caviar ប្រកាសចេញលក់ស្មាតហ្វូនដែលមានរូបតំណាង Elon Musk នេះ នៅក្នុងតម្លៃចាប់ពី 3,220 ដុល្លារអាមេរិក៕