ក្រុមហ៊ុន OPPO នឹងបង្ហាញនូវស្មាតហ្វូន Reno7 series នៅថ្ងៃទី 25 ខែវិច្ឆិកាខាងមុខនេះនៅក្នុងប្រទេសចិន។ នៅថ្ងៃនេះ ក្រុមហ៊ុននេះបញ្ជាក់ថា ស្មាតហ្វូន Reno7 series នឹងប្រើប្រាស់នូវ Lens ភ្នែកឆ្មា Sony IMX709 ដំបូងបំផុតរបស់ពិភពលោក។ មានការបង្ហាញថា Lens នេះដាក់អោយប្រើប្រាស់នៅលើស្មាតហ្វូន Reno7 និង Reno7 Pro។
ក្រុមហ៊ុន OPPO អះអាងថា កាមេរ៉ា Sony IMX709 នេះប្រើប្រាស់ជាមួយនឹងបច្ចេកវិទ្យា RGBW image technology ដែលអភិវឌ្ឍដោយក្រុមហ៊ុន OPPO។ សម្រាប់ lens នេះ អាចថតរូបភាពជាមួយនឹងការបង្កើននូវ Light Sensitivity ដល់ទៅ 60% និងកាត់បន្ថយនូវ Noise ដល់ទៅ 35%។ របាយការណ៍ថ្មីនេះ បានទម្លាយថា ស្មាតហ្វូន Reno7 Pro នេះនឹងមានកាមេរ៉ាខាងមុខទំហំ Sony IMX709 32-Megapixel។ ស្មាតហ្វូន Reno7 នឹងមានកាមេរ៉ា Selfie ដូចគ្នាផងដែរ។ ស្មាតហ្វូន Reno7 series នេះនឹងមានភ្លើង LED ផងដែរ។
ស្មាតហ្វូន Pro នេះ មានអេក្រង់ 6.5-inch AMOLED FHD+ 90Hz ជាមួយនឹងការឌីស្សាញ punch-hole ។ ស្មាតហ្វូននេះមានបន្ទះឈីប Dimensity 1200-Max, 8GB-12GB, 128GB-256GB និងថាមពលថ្មទំហំ 4,500mAh ជាមួយនឹងបច្ចេកវិទ្យា 65W Charging។ ស្មាតហ្វូននេះ មានកាមេរ៉ាខាងក្រោយ 50-Megapixel Sony IMX766, 8-Megapixel Ultra-Wide Lens និង 2-Megapixel Macro។ ស្មាតហ្វូននេះ មានប្រព័ន្ធស្កេនក្រយ៉ៅដៃក្រោមអេក្រង់ និងប្រព័ន្ធប្រតិបត្តិការ Android 12 ៕