កាលពីសប្តាហ៍មុននេះ មានរបាយការណ៍ថ្មីមួយ បាននិយាយថា នៅខែធ្នូរខាងមុខនេះ ក្រុមហ៊ុន Xiaomi ទំនងជានិងមានរៀបចំនូវព្រឹត្តិការណ៍មួយនៅក្នុងប្រទេសចិន ដើម្បីបង្ហាញចេញស្មាតហ្វូនរបស់ខ្លួន Xiaomi 12 និង Xiaomi 12X ដែលជាស្មាតហ្វូនថ្នាក់ប្រណិតរបស់ខ្លួន។ ដំណឹងថ្មីនេះ ថែមទាំងមានការបញ្ជាក់ថា ក្រុមហ៊ុនចិនមួយនេះ នឹងបញ្ចេញនូវស្មានហ្វូន Xiaomi 12X lineup របស់ខ្លួននៅចុខខែធ្នូរថែមទៀតផង។
សូមជំរាបថា កាលពីឆ្នាំមុននេះ ក្រុមហ៊ុន Xiaomi បានប្រកាសចេញនូវស្មាតហ្វូន Xiaomi Mi 11 5G នៅក្នុងខែធ្នូ ហើយស្មាតហ្វូននេះ បានក្លាយជាស្មាតហ្វូនដំបូងគេដែល Snapdragon 888 SoC ផងដែរ។ ប៉ុន្តែសម្រាប់ឆ្នាំនេះ អ្នកទម្លាយព័ត៌មានបាននិយាយថា ក្រុមហ៊ុន Xiaomi នឹងមិនមែនជាប្រេនស្មាតហ្វូនដំបូងគេដែលប្រើឈីប Snapdragon 8 Gen1 នោះទេ។
បើយោងតាមរូបភាព Screenshot ដែលបានទម្លាយចេញពីក្រុមការងារ Xiaomi China ប្រទេសចិន គឺបានបង្ហាញថា ក្រុមហ៊ុននេះ នឹងរៀបចំព្រឹត្តិការណ៍សន្និសីទសារព័ត៌មានមួយនៅថ្ងៃទី 28 ខែធ្នូ ដើម្បីប្រកាសចេញនូវផលិតផលថ្មី ដែលគេសង្ស័យថា ស្មាតហ្វូននេះ គឺជា Xiaomi 12 និង Xiaomi 12X។ Digital Chat Station ក៏បានបញ្ជាក់ដែរថា កាលបរិច្ឆេតនៃការបង្ហាញវត្តមានស្មាតហ្វូនជំនាន់ថ្មីរបស់ក្រុមហ៊ុន Xiaomi គឺពិតជានឹងធ្វើឡើងនៅចុងខែធ្នូខាងមុខនេះដូចគ្នា។
លោកបានបន្ថែមថា Xiaomi ទំនងប្រហែលជាមិនមែនជាប្រេនស្មាតហ្វូនដែលប្រើឈីប Snapdragon 8 Gen1 នេះមុនគេនោះទេ។ គេសង្ស័យថា Moto Edge X គឺនឹងក្លាយជាស្មាតហ្វូនដំបូងគេ ដែលនឹងប្រើឈីប Snapdragon 8 Gen1 នេះមុនការប្រកាសចេញនូវស្មាតហ្វូន Xiaomi 12 lineup។
បើតាមរបាយការណ៍ខាងលើនេះ គឺមានការបញ្ជាក់ថា Xiaomi 12X នឹងប្រើឈីប Snapdragon 870 mobile platform ខណៈដែល Xiaomi 12 ទំនងជាអាចនឹងប្រើឈីប Qualcomm’s new flagship SoC។ ស្មាតហ្វូនទាំងពីរម៉ូដែលនេះ ត្រូវបានរំពឹងថា នឹងបំពាក់នូវអេក្រង់ AMOLED Display ដែលមានគែមកោង និងមានសមត្ថភាពអាចបង្ហាញចេញបានក្នុងកម្រិត FHD+ resolution ជាមួយនឹងល្បឿន 120Hz refresh rate និងមានប្រព័ន្ធស្កែនម្រាមដៃក្រោមអេក្រង់។
Xiaomi 12X នឹងមានអេក្រង់ទំហំ 6.28 អ៊ីង និងមានកាមេរ៉ាមុខទំហំ 20-Megapixel selfie snapper។ ស្មាតហ្វូនទាំងពីរនេះ អាចនឹងមានកាមេរ៉ាក្រោយទំហំ 50-Megapixel។ សម្រាប់ថាមពលថ្ម ស្មាតហ្វូន 12X ទំនងជាមានថ្មទំហំ 5,000mAh និងមានកម្លាំងសាក 67W rapid charging និង 33W fast charging ខណៈដែល Xiaomi 12 អាចនឹងមានការគំាទ្រដោយកម្លាំងសាក 100W rapid charging។
