នៅថ្ងៃនេះ Xiaomi បានប្រកាសចេញនូវម៉ូដែលពិសេសថ្មីមួយទៀតសម្រាប់ Xiaomi CIVI 2 ហើយស្មាតហ្វូនថ្មីនេះ នឹងមានលក់តែក្នុងប្រទេសចិនប៉ុណ្ណោះ។ Xiaomi CIVI 2 Hello Kitty Limited Edition គឺមានឌីស្សាញជាមួយពណ៌ ក៏ដូចជារូបភាពមានភាពទាក់ទាញខ្លាំងមែនទែន នៅក្នុងនោះ នៅលើមុខងារប្រើប្រាស់ក៏មានតម្លើងនូវ icons ឃ្ជូតៗផងដែរ។ ជាមួយនិងវត្តមានស្មាតហ្វូននេះ ក្រុមហ៊ុនបានឌីស្សាញបន្ថែមនូវរូបភាពបែប Photochromic នៅលើខ្នងខាងក្រោត ដែលអាចធ្វើការផ្លាស់ប្តូរពណ៌បាននៅពេលត្រូវពន្លឺថ្ងៃ។
សម្រាប់បច្ចេកវិទ្យាពណ៌ Photochromic គឺត្រូវបិទភ្ជាប់នៅលើខ្នងក្រោយជាមួយនិងការរចនារូបភាពរបស់ Hello kitty ដែលមើលទៅពិតជាទាក់ទាញខ្លាំងមែនទែន។ សម្រាប់រូបភាពដែលយើងមើលឃញធម្មតា គឺមានពណ៌ប្រផេះ ប៉ុន្តែអាចផ្លាស់ប្តូរទៅជាក្រហមវិញនៅពេលដែលត្រូវពន្លឺថ្ងៃ។ ហើយសម្រាប់ប្រអប់រឹតតែឡួយថែមទៀត ពីព្រោះថា ក្រុមហ៊ុនបានឌីស្សាញជាមួយ Hello kitty ដូចគ្នា។ នៅលើផ្នែកខាងក្នុងនៃស្មាតហ្វូនម៉ូដែលពិសេស CIVI 2 ក៏នឹងមានអាប់ដែត Theme inside និង UI ទៅជា Hello kitty vibes ផងដែរ។
ស្មាតហ្វូនម៉ូដែលពិសេស Xiaomi CIVI 2 Hello Kitty limited edition នេះ នឹងបង្ហាញវត្តមានជាមួយទំហំតែមួយប៉ុណ្ណោះគឺ 12GB+256GB នឹងចេញលក់ក្នុងតម្លៃ CNY 2799។ ស្មាតហ្វូចចាប់ផ្តើមដាក់បញ្ជាទិញហើយនៅតាមហាងអនឡាញរបស់ក្រុមហ៊ុន និងដៃគូនានា។ ស្មាតហ្វូននេះ នឹងមានលក្ខណៈសម្បត្តិដូចគ្នាជាមួយម៉ូដែលស្តង់ដារដែលចេញលក់កន្លងមកអញ្ចឹងដែរ។
