បច្ចុប្បន្ន Huawei គឺក្រុមហ៊ុននាឡិកាដៃ Smartwatch ដ៏មានប្រជាប្រិយភាពមួយនៅលើទីផ្សារ ហើយក្រុមហ៊ុនបច្ចេកវិទ្យាខ្នាតយក្សលំដាប់ថ្នាក់ពិភពលោករបស់ចិនមួយនេះមានស្រឡាយ Smartwatch មួយចំនួនដែលកំពុងចរាចរណ៍នៅលើទីផ្សារក្រោមស្លាកយីហោរបស់ខ្លួនផ្ទាល់តែម្តង។
ឥលូវនេះ Huawei ត្រូវបានគេរាយការណ៍ថា បាននឹងកំពុងធ្វើការនៅលើសង្វាក់ផលិត Smartwatch ស៊េរីថ្មីដែលនឹងមកដល់នាពេលខាងមុខនេះ។ តាមរយះកម្មវិធី Huawei Health របស់ខ្លួនផ្ទាល់បានបង្ហាញពីការចុះបញ្ចីនាឡិកាដៃឆ្លាតវៃស៊េរីថ្មីមួយចំនួនដែលនឹងមកដល់នាពេលឆាប់ៗខាងមុខនេះ។ ដោយនៅលើបញ្ចីរបស់កម្មវិធី Huawei Health បានបង្ហាញថា នាឡិកាដៃឆ្លាតវៃស៊េរីថ្មីមួយនោះមានលេខកូដសំគាល់ថា AOH-H1។
តាមរយះការបង្ហាញខាងលើនេះត្រូវបានគេរំពឹងថា Smartwatch ស៊េរីថ្មីដែលនឹងបង្ហាញខ្លួនឆាប់ៗនាពេលខាងមុខនេះ ទំនងជា Huawei Watch GT4 ឬ Watch 4 Series។ ចំពោះនាឡិកាដៃឆ្លាតវៃទាំងអស់របស់ Huawei បច្ចុប្បន្ន គឺប្រើលេខកូដសំគាល់ថា B.19។ ចំនែក Honor ដែលជាអតិតក្រុមហ៊ុនបុត្រសម្ព័ន្ធរបស់ Huawei បានប្រើលេខកូដសំគាល់ B39 និង B19 សម្រាប់នាឡិការដៃរបស់ខ្លួន ក្រោយមកក៏ត្រូវជំនួសវិញដោយលេខកូដ MUS-B19 សម្រាប់ម៉ូដែល Honor GS3 និង HBE-B39 សម្រាប់ម៉ូដែល Honor MagicWatch។
Huawei Smartwatch ជំនាន់ថ្មីនឹងបំពាក់អេក្រង់ AMOLED Display និងគាំទ្រមុខងារ AOD (Always-on-Display) នៅបើតាមរយះកូដសំគាល់ថា AOD។ នាឡិកាដៃឆ្លាតវៃរបស់ Huawei នឹងមានការរចនារូបរាងឡើងកាន់តែមានភាពប្រណិតកម្រិត Premium ព្រមជាមួយនិងការបំពាក់មុខងារ និងបច្ចេកវិទ្យាប្រើប្រាស់ទំនើបៗចុងក្រោយបំផុតទៀតផង។ ទោះជាយ៉ាងណាគេមិនទាន់ដឹងច្បាស់ពីកាលបរិច្ឆេទដែល Huawei ត្រូវបញ្ចេញនាឡិកាដៃឆ្លាតវៃជំនាន់ថ្មីរបស់ខ្លួននៅឡើយទេក្នុងពេលនេះ៕