នៅថ្ងៃនេះ មានការបែកធ្លាយស្មាតហ្វូនថ្មីមួយរបស់ក្រុមហ៊ុន Xiaomi ត្រូវបានគេមើលឃើញថា បានឆ្លងកាត់ការចុះបញ្ជីនៅលើ 3C រួចហើយ ដែលនៅក្នុងឯកសារនេះ ក៏មានរបញ្ជាក់ពីកម្លាំងសាកថ្មរបស់ស្មាតហ្វូននេះផងដែរ។ ប្រភពខាងលើនេះ បានបន្តថា ស្មាតហ្វូននេះ អាចនឹងមានឈ្មោះថា Redmi Note 12 Turbo។ ផ្អែកតាមការបញ្ជាក់នៅលើបញ្ជីនេះ គឺបានអោយដឹងថា ស្មាតហ្វូនជំនាន់ថ្មីរបស់ក្រុមហ៊ុន Xiaomi គឺមានលេខម៉ូដែល 23049RAD8C។ ស្មាតហ្វូននេះត្រូវបានក្រុមហ៊ុនដាក់អោយប្រើប្រាស់នូវកម្លាំងសាក 67W fast wired charging. ហើយស្មាតហ្វូននេះ ក៏នឹហមានឆ្នាំងសាក 67W ដែលមានលេខ MDY-12-EF ផងដែរ។
យោងតាមរបាយការណ៌ថ្មីនេះ គឺបានអោយដឹងថា ស្មាតហ្វូនថ្មីនេះ នឹងបង្ហាញខ្លួនជាផ្លូវការណ៌ជាមួយឈ្មោះថា Redmi Note 12 Turbo។ ស្មាតហ្វូនថ្មីនេះ នឹងមានការបំពាក់មកជាមួយនូវបន្ទះឈីប Qualcomm Snapdragon 7 Gen 2 និងមានអមដំណើរដោរ៉េមទំហំ 12GB RAM និងអង្គចងចាំទំហំ 512GB storage ហើយនិងមានការប្រើប្រាស់នូវស្បែកមុខកម្មវិធី MIUI 14 និងផ្អែកនៅលើប្រព័ន្ធ Android 13។
ស្មាតហ្វូននេះមានត្រូវបានគេរំពឹងថា នឹងមានអេក្រង់ទំហំ 6.67-អ៊ីង OLED display បង្ហាញចេញបានកម្រិត FHD+ហើយនិងមានអាប់ដែតទៅលើ refresh rate ខ្ពស់បំផុត។ សម្រាប់ម៉ូដែលនេះ គឺមិនដូចជាគ្នាជាមួយនិង Redmi Note 12 series ដ៏ទៃនោះទេ ដោយម៉ូដែលនេះ គឺនឹងប្រើប្រាស់នូវប្រព័ន្ធស្កែនម្រាមដៃនៅលើអេក្រង់។ ស្មាតហ្វូនត្រូវបានគេ និយាយថា នឹងមានការបំពាក់នូវកាមេរ៉ា 3 គ្រាប់ ដោយកាមេរ៉ាគោល គឺមានទំហំ 50MP ខណៈដែលគ្រាប់ទីពីរមានទំហំ 8MP secondary sensor និងគ្រាប់ទីបីមានទំហំ MP tertiary sensor។ ស្មាតហ្វូននេះមានថ្មទំហំ 5,500mAh battery។