realme នឹងបង្ហាញវត្តមានស្មាតហ្វូនជំនាន់ថ្មីម៉ូដែល realme GT Neo 5 នៅប្រទេសចចិននាថ្ងៃទី 9 ខែកុម្ភៈខាងមុខនេះហើយស្របពេលជាមួយគ្នានេះក៏មានការទម្លាយថា ក្រុមហ៊ុននេះ នឹងមានការបង្ហាញវត្តមានស្មាតហ្វូននេះជាសកលនៅក្នុងព្រឹត្តិការណ៌ MWC 2023 ដែលជាប្រព្រឹត្តទៅនៅចុងខែនេះផងដែរ។ ក្រឡេកមកមើលនៅថ្ងៃនេះ វិញ ក្រុមហ៊ុនបានចាប់ផ្តើមទម្លាយវីដេអូផ្សេព្វផ្សាយដោយមានការបង្ហាញនូវមុខងារថ្មីៗមួយចំនួនដែលនឹងមានការប្រើប្រាស់នៅលើស្មាតហ្វូនថ្មីផងដែរ។
ដូចអ្វីដែលបានឃើញចឹង Realme GT Neo 5 នឹងមានការបំពាក់អំពូល RGB LED light នៅខ្នងខាងក្រោយ ដែលអំពូលនេះ នឹងបង្ហាញនូវព័ត៌មាមថ្មបានថែមទៀតផង ក្នុងនោះនៅពេលថ្មធ្លាក់នៅ 20% អំពូលនេះនឹងបង្ហាញពណ៌ស្វាយ ហើយបើក្រោម 20% គឺបង្ហាញពណ៌ក្រហម។ ជាមួយគ្នានេះ បើតាមការបញ្ជាក់ពី WHY LAB បានបង្ហាញថា នៅពេល ខល អំពូលនេះ នឹងមានជះពន្លឺពណ៌ស្វាយ និងពណ៌សនៅពេលផ្ញើរសារ ស្របពេលដែលលេងហ្គេម អេក្រង់នឹងបង្ហាញពណ៌ខុសគ្នា។ បន្ថែមពីនេះនៅពេលដែលមានការលេងហ្គេមបាញប្រហា ក៏នឹងមានការបង្ហាញនូវភ្លើង light effects ខុសៗគ្នាសនៅលើអាវុធទៀតផង។
អ្វីដែលគេមើលឃើញថាប្លែកនៅក្នុងវីដេអូនេះ គឺមានការបង្ហាញនូវមុខងារថ្មី Realme GT Neo 5 ផងដែរ ដោយមុខងារនេះ នឹងមានមុខងារ Dynamic Island ដូចគ្នាជាមួយ iPhone អញ្ចឹង។ GT Neo 5 មានអេក្រង់រាបស្មើរនិងមានរន្ធ punch-hole នៅចំកណ្តាលអេក្រង់តែម្តង។ នៅលើស្មាតហ្វូននេះ គេក៏ឃើញមានរន្ធ microphone និង IR blaster ផងដែរ។
គួរបញ្ជាក់ថា របាយការណ៌កន្លងមក បានបង្ហាញថា Realme GT Neo 5 នឹងមានអេក្រង់ទំហំ 6.74-អ៊ីង AMOLED screen បង្ហាញចេញបានកម្រិត 1.5K resolution ល្បឿន 144Hz refresh rate។ ស្មាតហ្វូននេះ នឹងរត់នៅលើ Android 13 OS ផ្អែកនៅលើស្បែកមុខកម្មវិធី Realme UI 4.0។ និយាយពីកម្លាំងម៉ាស៊ីន នៅលើស្មាតហ្វូនេះ គឺរត់នៅលើបន្ទះឈីប Snapdragon 8 Plus Gen 1 និងមានរ៉េមទំហំ 16GB LPDDR5 RAM ហើយនិងអង្គចងចាំទំហំ 1TB ហើយនិងមានថ្មទំហំ 4,600mAh គាំទ្រដោយកម្លាំងសាក 240W fast charging និងម៉ូដែលមួយទៀតមានថ្មទំហំ 5,000mAh មានកម្លាំងសាក 150W rapid charging។
សម្រាប់ការថតរូប មានកាមេរ៉ាមុខទំហំ 16-Megapixel front camera និងកាមេរ៉ាក្រោយមានទំហំ 50-Megapixel (Sony IMX890 with OIS) + 8-megapixel (ultra-wide) + 2-megapixel (macro)។
