ក្រុមហ៊ុន Huawei ត្រូវបានគេដឹងថា បាននឹងកំពុងតែត្រៀមខ្លួនបង្ហាញចេញនូវស្មាតហ្វូនបត់បានជំនាន់ថ្មីរបស់ខ្លួន ម៉ូដែល Mate X3 នៅក្នុងពេលឆាប់ៗនេះហើយ ដោយមានការទម្លាយថា ស្មាតហ្វូនថ្មីនេះ នឹងមានតម្លៃក្រោម $1500 ដែលតម្លៃនេះ គឺពិតជាធូរថ្លៃជាងជំនាន់មុនរបស់ខ្លួនដែលបានបង្ហាញវត្តមាននាពេលកន្លងមក។ យោងតាមការបង្ហាញនៅលើ Weibo ដោយអ្នកទម្លាយដ៏ល្បីមួយរូបបានសសេរថា ស្មាតហ្វូនបត់បាន Huawei Mate X3 ថ្មីនេះ គឺមានតម្លៃត្រឹមតែ 10000 យ៉ន់ ប្រហែលជា $1500 ប៉ុណ្ណោះ។
អ្នកទម្លាយរូបនេះបាននិយាយទៀតថា លោកមិនអាចនិយាយថា តម្លៃនេះ គឺជាតម្លៃពិតនោះទេ លោកបានត្រឹមតែចែកចាកនូវតម្លៃរបស់ស្មាតហ្វូនបត់បានម៉ូដែល Huawei Mate X2 ប៉ុណ្ណោះ។ សម្រាប់តម្លៃ Mate X2 ដែលចេញលក់កន្លងមកនេះ គឺទំហំ 8GB+256GB មានតម្លៃប្រហែល 17999 យ៉ន់ ($2782) និងទំហំ 8GB+512GB មានតម្លៃប្រហែល 18999 យ៉ន់ ($2938)។ ក្រឡេកមកមើលតម្លៃ Huawei Mate Xs 2 វិញ គឺមានចាប់ពីទំហំ 8GB+256GB មានតម្លៃ 99995 យ៉ន់ និងទំហំ 12GB+256GB មានតម្លៃប្រហែល 11499យ៉ន់ និងទំហំ 12GB+512GB មានតម្លៃប្រហែល 12999 យ៉ន់។
ប្រភពខាងលើនេះបានបន្តថា តម្លៃនេះគឺនឹងអាចទៅរួច ដោយសារតែក្រុមហ៊ុននេះបានប្រើប្រាស់សង្វាក់ផលិតកម្ម និងសមាសភាគភាគច្រើន គឺជាផលិតផលក្នុងស្រុក ដូច្នេះតម្លៃអាចនឹងធូរថ្លៃជាងជំនាន់មុន។ តម្លៃ Mate X3 អាចនឹងក្រោម 10000 យ៉ន់។ ជាមួយគ្នានេះ ក៏មានការរំពឹងថា Huawei Mate X3 នឹងនាំមកជាមួយនូវបច្ចេកវិទ្យាកាមេរ៉ា XMAGE imaging system ផងដែរ។ សម្រាប់ទំហំថ្ម អាចនឹងធំជាងមុន ហើយការឌីស្សាញរូបរាងអាចនិងមានកម្រ់ាស់ស្តើងជាមុន ងាយស្រួលកាន់ក្នុងដៃ។ សូមជំរាបថា Huawei នៅមិនទាន់មានការប្រកាសនូវកាលបរិច្ឆេតនៃការបង្ហាញខ្លួននៅឡើយទេ ប៉ុន្តែព័ត៌មានចចាមអារ៉ាមបានទម្លាយថា ស្មាតហ្វូននេះ អានចឹងបង្ហាញវត្តមានជាមួយនិង Huawei P60 series នៅខែមីនាខាងមុខនេះ។