យោងតាមព័ត៌មានថ្មីដែលចេញផ្សាយនាពេលថ្មីៗនេះបានអោយដឹងថា Nothing Phone (2) ដែលជាស្មាតហ្វូនជំនានថ្មីរបស់ Nothing នឹងបង្ហាញខ្លួននៅចុងឆ្នាំនេះហើយ។ នៅក្នុងឆ្នាំ 2023 នេះ គឺជាឆ្នាំដែលគួរអោយភ្ញាក់ផ្អើលមែនទែនសម្រាប់ក្រុមហ៊ុននេះ។ បើតាមការបបង្ហាញខ្លួនស្មាតហ្វូន Nothing Phone នាពេលកន្លងមក ក៏ផ្តល់នូវភាពអស្ចារ្យជាច្រើនរួចមកហើយផងដែរ។ បើតាមលោក Carl Pei ដែលជានាយកប្រតិបត្តិរបស់ក្រុមហ៊ុន Nothing បាននិយាយថា ទីផ្សារគោលដៅរបស់ស្មាតហ្វូននេះ គឺផ្តោតខ្លាំងទៅលើទីផ្សារសហរដ្ឋអាមេរិក។
លោកបន្តថា គោលដៅសំខាន់នៅពីក្រោយការបញ្ចេញនូវស្មាតហ្វូននេះ គឺការផ្តល់អោយអ្នកប្រើប្រាស់ជាច្រើននូវបទពិសោធន៍កាន់តែអស្ចារ្យទៅលើការប្រើប្រាស់កម្មវិធី software។ សូមជំរាបថា កាលពីពេលមុននេះ ក្រុមហ៊ុននេះក៏ចែករំលែកនូវព័ត៌មានស្មាតហ្វូន Nothing Phone (2) នេះផងដែរ ស្មាតហ្វូននេះ នឹងមានលក្ខណៈសម្បត្តិកាន់តែប្រសើរជាងមុន។ ស្របពេលជាមួយរបាយការណ៍ជាច្រើនចុងក្រោយនេះ ក៏បានទម្លាយអំពីស្មាតហ្វូននេះផងដែរ។ ស្មាតហ្វូនថ្មីនេះ មានលេខម៉ូដែល A065 នឹងអាចបង្ហាញខ្លួននៅក្នុងឆមាសទី 2 នៅក្នុងឆ្នាំ 2023 នេះ។ អ្វីដែលចាប់អារម្មណ៌នោះ គឺស្មាតហ្វូននេះ នឹងមានលក្ខណៈសម្បត្តិដូចជាស្មាតហ្វូន Flagship អញ្ចឹង។ ស្មាតហ្វូននេះ នឹងមានបន្ទះឈីប Qualcomm Snapdragon 8 series SoC ។
គួរបញ្ជាក់ផងដែរ ថ្មីៗនេះ ក្រុមហ៊ុន Samsung ក៏បានបង្ហាញនូវបន្ទះឈីប Snapdragon 8 Gen 2 នៅលើស្មាតហ្វូន Galaxy S23 Ultra ចុងក្រោយបំផុតរបស់ខ្លួនផងដែរ។ ស្មាតហ្វូននេះ មានរ៉េមទំហំ 12GB។ ស្មាតហ្វូននេះមានម៉េមូរីទំហំ 256GB ហើយវាមានថាមពលថ្មទំហំ 5,000 mAh។ ស្មាតហ្វូននេះមានអេក្រង់កម្រិត AMOLED ជាមួយនឹងល្បឿន 120Hz refresh rate។ ស្មាតហ្វូន Nothing Phone (2) នឹងបង្ហាញខ្លួននៅចុងឆ្នាំនេះនៅជុំវិញពិភពលោក៕