Apple កំពុងតែធ្វើការនៅលើបច្ចេកវិទ្យា Reverse Wireless Charging សម្រាប់ iPhone ហើយ

ខណៈពេលដែលបច្ចេកវិទ្យា reverse wireless charging ត្រូវបានគេឃើញក្រុមហ៊ុនបច្ចេកវិទ្យាជាច្រើន ប្រើប្រាស់នៅលើស្មាតហ្វូន Androidជាច្រើនរួចមកហើយនោះ ក្រុមហ៊ុន Apple នៅតែកំពុងតែធ្វើការទៅលើការអភិវឌ្ឍទៅលើបច្ចេកវិទ្យានេះ ហើយវាអាចនឹងប្រើប្រាស់នៅលើស្មាតហ្វូន iPhones ជំនាន់ថ្មីនេះ។ យោងតាមការបញ្ជាក់ចេញពីប្រភពជាច្រើនពាក់ព័ន្ធទៅនឹងរឿងនេះ ក្រុមហ៊ុនបច្ចេកវិទ្យាយក្ស Apple ក៏បានសម្រេចធ្វើការបច្ចេកវិទ្យា reverse wireless charging នៅលើស្មាតហ្វូន iPhones របស់ខ្លួនអោយបានល្អឥតខ្ចោះ។ 

បច្ចេកវិទ្យានេះ នឹងធ្វើអោយស្មាតហ្វូនរបស់អ្នកក្លាយជា wireless charging pad ដែលអនុញ្ញាតអោយអ្នកអាចធ្វើការសាកថ្មទៅលើផលិតផលជាច្រើនដែលទ្រទ្រង់នូវបច្ចេកវិទ្យា wireless charging ។ វាក៏អាចប្រើប្រាស់ក្នុងការសាកថ្មទៅលើកាសស្តាប់ TWS earbuds ផងដែរ។ ប្រភពជាច្រើន បានបន្ថែមថា កាលពីពេលមុននេះ ក្រុមហ៊ុននេះក៏មានក្តីសង្ឃឹមក្នុងការប្រកាសបង្ហាញនូវបច្ចេកវិទ្យា reverse wireless charging នេះនៅលើស្មាតហ្វូន iPhone 14 Pro និង iPhone 14 Pro Max ។  ក្រុមហ៊ុននេះមិនអាចបំពេញតាមកាលកំនត់នោះទេ។ 

ក្រុមការងាររបស់ក្រុមហ៊ុន Apple បានប្រឹងប្រែងយ៉ាងខ្លាំងនៅកន្លែងការងារដើម្បីបញ្ចប់នូវបច្ចេកវិទ្យា wireless charging នេះជាមួយនឹងការប្រើប្រាស់នូវ software optimizations។ បច្ចេកវិទ្យា Reverse wireless charging ត្រូវគេហៅមួយទៀតថា Bilateral wireless charging។ គួរបញ្ជាក់ថា គិតចាប់តាំងពីវត្តមានរបស់ស្មាតហ្វូន iPhone 12 series នោះ ក្រុមហ៊ុន Apple បានចាប់ផ្តើមដាក់បញ្ចូលនូវសមាសភាគមួយចំនួនដែលទ្រទ្រង់ទៅលើបច្ចេកវិទ្យា reverse wireless charging នេះផងដែរ៕