ស្មាតហ្វូន OnePlus Ace 2 ត្រូវបានគេមើលឃើញថា បានប្រកាសជាផ្លូវការណ៌នៅក្នុងទីផ្សាររបស់ប្រទេសចិនហើយដែលស្មាតហ្វូនជំនាន់ថ្មីនេះ គឺជាប្រភេទម៉ូដែលប្រណិតចុងក្រោយបំផុតរបស់ក្រុមហ៊ុន។ បើតាម OnePlus ដែលជាក្រុមហ៊ុនផលិតស្មាតហ្វូនដ៏ធំរបស់ចិននេះ បានបញ្ជាក់ថា ជាមួយនិងវត្តមានរបស់ស្មាតហ្វូននេះ ខ្លួនមានគោលដៅផ្តោតខ្លលាំងទៅលើតុល្យភាពនៃថាមពល និងការរចនាជាមួយនិងភាពស្រស់ស្អាតរបស់ស្មាតហ្វូននេះ។
បន្ថែមណីនេះ ក្រុមហ៊ុន OnePlus ក៏បានឌីស្សាញរូបរាងថ្មីទៅលើស្មាតហ្វូននេះផងដែរ បើប្រៀបធៀបទៅនឹងស្មាតហ្វូនជំនាន់មុននេះផងដែរ។ ផ្នែកខាងក្រោយរបស់ស្មាតហ្វូននេះ គឺមានការឌីស្សាញរូបរាងថ្មី ពិសេសទៅលើកាមេរ៉ារបស់វា។ កញ្ចក់ខាងក្រោយរបស់ស្មាតហ្វូននេះគឺការពារដោយ Corning’s Gorilla Glass 5 ផងដែរ។ ស្មាតហ្វូនOnePlus Ace 2 នេះមានអេក្រង់ទំហំ 6.74 អ៊ីង AMOLED ដែលមានកម្រិតភាពច្បាស់ 1.5K (2772×1240 pixels), ពន្លឺ 1450 nits, និងមានការទ្រទ្រង់នូវកម្រិត 100% DCI P3 color gamut ហើយនិង 1440Hz high frequency PWM dimming រួមជាមួយនិង Asahi Glass AGC ដែលមាន adaptive refresh rate 120Hz ទៀតផង។ ស្មាតហ្វូននេះ មានទម្ងន់ 204g និងកម្រាស់ 8.7mm។
ស្មាតហ្វូន OnePlus Ace 2 ថ្មីនេះ គឺដំណើរការនៅលើមានបន្ទះឈីប Qualcomm Snapdragon 8+ Gen 1 SoC រ៉េមទំហំ 16GB និងម៉េមូរីទំហំ 512GB ។ បន្ថែមពីនេះ នៅលើស្មាតហ្វូននេះ ក៏មានបំពាក់នូវប្រព័ន្ធបំភាយកំដៅទំហំ 5177mm² និងមាន VC cooling ចំនួន 8 ស្រទាប់ថែមទៀត។ ក្រុមហ៊ុន OnePlus បានអះអាងថា ក្រុមហ៊ុនបានចំណាយពេល 2 ឆ្នាំដើម្បីធ្វើការឌីស្សាញទៅលើប្រព័ន្ធបំភាយកំដៅនេះដែលមានប្រសិទ្ធិភាពទ្វេរដងបើធៀបជាមួយនឹងប្រព័ន្ធ VC liquid cooling នេះ។
ស្មាតហ្វូន OnePlus Ace 2 នេះ មានពណ៌ Vast Black និង Glacier Blue។ សម្រាប់ទំហំ 12GB+256GB មានតម្លៃ 2,799 យ៉ន់ ខណៈពេលដែលទំហំ 16GB+512GB មានតម្លៃ 3,099 យ៉ន់។ ស្មាតហ្វូនេះ អាចធ្វើការ pre-order ចាប់ពីថ្ងៃនេះ ហើយវានឹងដាក់លក់ជាផ្លូវការចាប់ពីថ្ងៃទី 13 ខែកុម្ភៈឆ្នាំ 2023 នេះ៕