Nubia Z50 Ultra Photographer ចេញលក់ជាផ្លូវការជាមួយតម្លៃ $678

នៅពេលនេះ Nubia Mobile បានប្រកាសចេញជាផ្លូវការនូវស្មាយហ្វូន Nubia Z50 Ultra Photographer Edition ហើយ ដែលនេះ គឺជាស្មាតហ្វូនម៉ូដែលប្រណិតបំផុតរបស់ក្រុមហ៊ុននេះ។ ស្មាតហ្វូននេះមានតម្លៃ 4799 យ៉ន់ ($678) សម្រាប់ទំហំ រ៉េមទំហំ 16GB និងអង្គចងចាំទំហំ 512GB។ ស្មាតហ្វូននេះ អាចរកជាវបាននៅថ្ងៃទី 31st ខែឧសភាខាងមុខនេះហើយ។ សូមជំរាបថា Nubia Z50 Ultra Photographer ម៉ូដែលពិសេសនេះ គឺត្រូវបានក្រុមហ៊ុនធ្វើរចនាឡើងដើម្បីអ្នកដែលចូលចិត្តថតរូប ដោយនៅលើស្មាតហ្វូននេះ គឺមានការតម្លើងមុខងារថតរូប Classic SLR color combination និងមានជម្រើសពីរពណ៌ គឺ Black Curry និង Khaki។ 

ខ្នងក្រោយស្មាតហ្វូននេះ គឺមានឌីស្សាញពីក្រណាត់ដែលមានគុណភភភាពនខ្ពស់ ដែលមានការប្រើប្រាស់នូវ Dual 3D laser engraving ដែលមានការដាក់បញ្ចូលគ្នារវាងក្រណាត់ និងកញ្ចក់ ដែលផផ្តល់នូវរូបរាងថ្មីមួយ មានការទាក់ទាញបំផុត។ តាមការបញ្ជាក់ពីលោក Ni Fei ដែលជាអគ្គនាយក្រុមហ៊ុន ZTE Terminal Division និង Nubia Technology Co., Ltd ក៏បានបង្ហាញពីលក្ខណៈសម្បត្តិសំខាន់ៗនៃស្មាតហ្វូននេះផងដែរ ក្នុងនោះមានដូចជា ការដាក់បន្ថែមនូវការចាប់រូបភាពកាន់តែស៊ីជម្រៅរវាង focal length, aperture, pixels, sensors និងមុខងារថតរូបជាច្រើនថែមទៀតផង។ 

Nubia Z50 Ultra មានអេក្រង់ទំហំ 6.8-អ៊ីង Full HD+ កញ្ចក់ AMOLED ខ្នាត 20:9 aspect ratio ល្បឿន 120Hz refresh rate និងមានគែមអេក្រង់កោង។ ស្មាតហ្វូននេះរត់នៅលើបន្ទះឈីប Snapdragon 8 Gen 2 4nm Mobile Platform និងគាំទ្រនូវក្រាហ្វិក Adreno 740 GPU ហើយនិងរត់ជាមួយ Android 13 ផ្អែកលើស្បែកមុខកម្មវិធី MyOS 13។ ស្មាតហ្វូននេះទ្រទ្រង់បានជាមួយស៊ីមកាត 2 និងមានកាមេរ៉ាគោលទំហំ 64MP primary camera ហើយនិងមាន LED flash ព្រមទាំងមុខងារ OIS ផងដែរ។ សម្រាប់គ្រាប់ទីពីរមានទំហំ 50MP 116° ultrawide camera និងទីបីមានទំហំ 50MP periscope telephoto camera។ សម្រាប់កាមេរ៉ាមុខដែលស្ថិតនៅក្រោមអេក្រង់ គឺមានទំហំ 16MP។ 

នៅលើស្មាតហ្វូននេះ ក៏មានការប្រើប្រាស់មុខងារ USB Type-C audio, dual smart PA, stereo dual speakers ជាមួយ DTS: X Ultra support, 5G connectivity, Wi-Fi, Bluetooth 5.2 ហើយនិង GPS/GLONASS ថែមទៀតផង។ ស្មាតហ្វូននេះមានថ្មទំហំ 5000mAh និងកម្លាំងសាក 80W fast charging។