Xiaomi បានប្រកាសចេញលក់ហ្គេមីងម៉ូនីទ័រស៊េរីថ្មីម៉ាក Redmi G27 Series នៅប្រទេសចិន។ Gaming Monitor ស៊េរីថ្មីនេះបានបំពាក់នូវអេក្រង់កម្រិតរីសូលូហ្ស៊ិន 1080p និង 1440p នៅលើអេក្រង់ទំហំ 27 អ៊ីង និងមានកម្រិត refresh rate 165Hz។ Gaming Monitor ស៊េរីថ្មីនេះមានពីរម៉ូដែល គឺ Xiaomi Redmi G27 និង Redmi G27Q។
អេក្រង់របស់ Redmi G27 និង Redmi G27Q គាំទ្រកម្រិតល្បឿន 1ms GtG response times ជាមួយកម្រិតចាក់ទឹកពណ៌ 2 Delta E color space coverage នៅលើបន្ទះអេក្រង់ប្រភេទ IPS LCD។ អេក្រង់របស់ Xiaomi Redmi G27 គាំទ្រកម្រិត resolution 1080px ខណៈ Redmi G27Q គាំទ្រកម្រិត resolution ដល់ 2K ឬ 2560 x 1440px (2.5K/ 1440p)។ ជាងនេះទៅទៀតបន្ទះអេក្រង់របស់ Gaming Monitor ស៊េរីថ្មីទាំងពីរម៉ូដែលនេះគាំទ្រនូវកម្រិតជម្រៅទឹកពណ៌ 8-bit ហើយនៅលើម៉ូដែល Redmi G27Q គាំទ្រនូវមុខងារ VESA DisplayHDR400 ថែមទៀតផង។
ចំពោះម៉ូដែល Redmi G27 មានភ្ជាប់មកជាមួយជើងទម្រធម្មតា ខណៈម៉ូដែល Redmi G27Q បានភ្ជាប់ជាមួយជើងទម្រដែលអាចធ្វើការបត់បែនបានទៅតាមតម្រូវការប្រើប្រាស់។ Gaming Monitor ស៊េរីថ្មីទាំងពីរនេះមានភ្ជាប់មកជាមួយរន្ធ HDMI និង DisplayPort។ សម្រាប់ម៉ូដែល Redmi G27Q មានបន្ថែមមកជាមួយរន្ធ USB-C ខណៈម៉ូដែល Redmi G27 មិនមាននោះទេ។ ហើយម៉ូដែល Redmi G27Q គាំទ្រការសាកភ្លើងបន្តទៅកាន់ឧបករណ៍ផ្សេងបានក្នុងកំលាំង 65W។
Xiaomi Redmi G27 និង Redmi G27Q ត្រូវបានក្រុមហ៊ុនប្រកាសចេញលក់នៅទីផ្សារប្រទេសចិនក្នុងតម្លៃធូរថ្លៃមែនទែន គឺប្រហែល $113 និង $198។ យ៉ាងណាមិញ Xiaomi មិនបានបង្ហើបពីការនាំចេញម៉ូនីទ័រហ្គេមជំនាន់ថ្មីទៅកាន់ទីផ្សារសកល និងតម្លៃនៅឡើយទេ៕
