គ្រប់គ្នាប្រាកដជាបានដឹងហើយថា ក្រុមហ៊ុន Samsung ទើបតែបង្ហាញនូវស្មាតហ្វូនដែលអាចបត់បានរបស់ខ្លួនកាលពីដើមសប្តាហ៍នេះ ដែលមានដូចជា ស្មាតហ្វូន Galaxy Z Flip4 និង Galaxy Z Fold4 ហើយគ្រប់គ្នាក៏បានឃើញនូវរូបរាងលម្អិតរបស់ស្មាតហ្វូននេះរួចចហើយផងដែរ ប៉ុន្តែពេលនេះ ក្រុមហ៊ុននេះ បានសម្រេចចិត្តក្នុងការចែករំលែកនូវដំណើរការនៃការឌីស្សាញ និងចក្ខុវិស័យរបស់ស្មាតហ្វូននេះ។
នៅក្នុងការបង្ហោះនៅក្នុងប្លុកជាច្រើនទម្លាយថា ក្រុមហ៊ុន Samsung បានពន្យល់អំពីការឌីស្សាញដ៏អស្ចារ្យ និងមុខងារជាច្រើនដែលអនុញ្ញាតអោយអ្នកប្រើប្រាស់អាចធ្វើការបានយ៉ាងច្រើននៅក្នុងពេលតែមួយ។ ស្មាតហ្វូន Galaxy Z Flip4 និង Galaxy Z Fold4 មានការឌីស្សាញជាមួយនឹងគែមស្តើងរលោងជាងស្មាតហ្វូនជំនាន់មុននេះ។ វាធ្វើអោយស្មាតហ្វូននេះមានការឌីស្សាញកាន់តែទាន់សម័យបំផុត។ គែម Bezels របស់ស្មាតហ្វូននេះក៏ស្តើងជាងមុនផងដែរ។
សម្រាប់ពណ៌របស់ស្មាតហ្វូននេះ ក៏ថ្មីកាន់តែប្លែកផងដែរ។ ស្មាតហ្វូនGalaxy Z Flip4 ពណ៌ Bora Purple រួមជាមួយនឹង Beige Fold គឺជាពណ៌ថ្មីដ៏ទាក់ទាញ។ ស្មាតហ្វូន Flip4 នេះមានភាពងាយស្រួលក្នុងការ Zoom in/out នៅលើអេក្រង់ខាងក្រៅ និងងាយស្រួលក្នុងការស្រាវជ្រាវផងដែរ។ ស្មាតហ្វូន Fold4 អាចប្រើប្រាស់បាន Apps ជាច្រើននៅលើ Navigation Bar បាន។
ស្មាតហ្វូន Galaxy Z Flip4 និង Galaxy Z Fold4ក៏ភ្ជាប់ជាមួយនឹងស្រោមការពារ Bespoke Cases សម្រាប់ការពារបានប្រសើរជាងមុន។ ក្រុមហ៊ុន Samsung ក៏បង្ហាញនូវមុខងារថ្មីៗជាច្រើននៅលើCover Screen ការឌីស្សាញទៅលើនាឡិកា រូបភាព ផ្ទៃខាងក្រោយ និងរូបភាព GIFs ជាដើម។ មុខងារជាច្រើននេះនឹងមានការពេញនិយមប្រើប្រាស់នៅលើស្មាតហ្វូន Z Flip4 ដោយសារតែស្មាតហ្វូន Z Fold4 គឺមានអេក្រង់ OLED ធំសម្រាប់ប្រើប្រាស់កម្មវិធីជាច្រើនរួចហើយ។
ក្រុមហ៊ុន Samsung បាននិយាយថា ស្មាតហ្វូន Galaxy Z Fold4 និង Galaxy Z Flip4 ក៏ក្លាយជាឧទាហរណ៍ក្នុងការពង្រីកទៅលើសមត្ថភាពនៃស្មាតហ្វូន និងការធ្វើអោយស្មាតហ្វូននេះកាន់តែមានភាពទាន់សម័យនៅក្នុងយុគសម័យទំនើបនេះ។ ស្មាតហ្វូនទាំងពីរនេះមានការពង្រឹងទៅលើសមត្ថភាពកាន់តែខ្លាំងក្លា ហើយវាក៏ផ្តល់នូវបទពិសោធន៍ថ្មីកាន់តែអស្ចារ្យក្នុងការប្រើប្រាស់៕