ក្រុមហ៊ុន Apple ទើបតែស្នើសុំនូវដៃគូសហការជាច្រើនរបស់ខ្លួនអោយបញ្ចេញនូវស្មាតហ្វូន iPhone អោយបានច្រើននៅក្នុងឆ្នាំ 2021។ ដើម្បីរក្សានូវតម្រូវការច្រើនរបស់អ្នកប្រើប្រាស់ និងកាត់បន្ថយទៅលើការប្រកួតប្រជែងពីក្រុមហ៊ុនផ្សេងៗ បើទោះបីជាទីផ្សារស្មាតហ្វូនសកលមានការធ្លាក់ចុះក៏ដោយ។
ក្រុមហ៊ុនបច្ចេកវិទ្យាយក្សនេះ មានការបញ្ជាទិញសរុបសម្រាប់ធ្វើការផលិតស្មាតហ្វូន iPhones អោយបានចំនួន 90 លានគ្រឿង បើទោះបីជាការព្យាករណ៍ទីផ្សារមានចំនួនតិចក៏ដោយ។ សរុបមក ក្រុមហ៊ុននេះ រំពឹងថា សម្រាប់ឆ្នាំ 2022 នេះគឺមានស្មាតហ្វូនចំនួន 220 លានគ្រឿងដែលដូចទៅនឹងឆ្នាំមុននេះផងដែរ។ តាមការបញ្ជាក់របស់អ្នកជំនាញរបស់ IDC បាននិយាយថា ទីផ្សារស្មាតហ្វូនសកលមានការធ្លាក់ចុះ 9% នៅក្នុងខែមិថុនា ហើយវាក៏អាចនឹងមានការធ្លាក់ចុះ 3.5% នៅក្នុងឆ្នាំ 2022 នេះ។
ខណៈពេលដែលការលក់ទៅលើឧបករណ៍ Android នៅតែមានបញ្ហានោះ បានតម្រូវការទៅលើស្មាតហ្វូន iPhones មានការកើនឡើងខ្លាំងដោយសារតែអ្នកប្រើប្រាស់ផ្តោតទៅលើស្មាតហ្វូនប្រណិត។ បន្ថែមពីនេះ ជាមួយនិងការអវត្តមានរបស់ក្រុមហ៊ុន Huawei ចេញពីទីផ្សារស្មាតហ្វូនប្រណិតនេះក៏ជួយអោយក្រុមហ៊ុន Apple ទទួលបានជោគជ័យខ្លាំងផងដែរ។ នៅក្នុងពេលដដែលនេះ តាមការបញ្ជាក់របស់របាយការណ៍ជាច្រើនទម្លាយថា ក្រុមហ៊ុន Apple អាចនឹងកាត់បន្ថយទៅលើការចំណាយ និងការជួលបុគ្គលិកថ្មីៗនៅក្នុងឆ្នាំ 2023 នេះផងដែរ៕
