យោងតាមព័ត៌មានចុងក្រោយនេះ គឺបានបញ្ជាក់ថា ក្រុមហ៊ុន OPPO គឺបាននឹងកំពុងតែធ្វើការនៅលើស្មាតហ្វូនដែលអាចបត់បានថ្មីចំនួន 2 ម៉ូដែល ដែលនឹងប្រើប្រាស់នូវបន្ទះឈីប Snapdragon 8 Plus Gen 1 របស់ក្រុមហ៊ុន Qualcomm។ បើតាមការទម្លាយពី Yogesh Brar បានជឿជាក់ថា ស្មាតហ្វូននេះ នឹងមានទម្រង់ដូចទៅនឹងស្មាតហ្វូន Galaxy Fold 4 ឬ MIX Fold 2។ សម្រាប់ស្មាតហ្វូនប្រភេទ Clamshell វិញ គឺមានទម្រង់ដូចទៅនឹងស្មាតហ្វូន Galaxy Z Flip 4 ឬ Moto RAZR 2022។
ស្មាតហ្វូនទាំងពីនេះនឹងមានឈ្មោះហៅថា Find N Fold និង Find N Flip ។ សម្រាប់ពេលនេះ លក្ខណៈសម្បត្តិជាច្រើនរបស់ស្មាតហ្វូននេះនៅមិនទាន់ដឹងនៅឡើយទេ។ វាក៏មានពាក្យចចាមអារ៉ាមជាច្រើននិយាយអំពីស្មាតហ្វូននេះផងដែរ។ ស្មាតហ្វូន Find N នេះអាចនឹងប្រកួតប្រជែងបានជាមួយនឹងស្មាតហ្វូន Fold របស់ក្រុមហ៊ុន Samsung ។ ក្រុមហ៊ុន Google ក៏ត្រៀមប្រកាសបង្ហាញនូវស្មាតហ្វូនបត់បានថ្មីដែលមានទម្រង់បត់ស្រដៀងគ្នាផងដែរ។
ថ្មីៗនេះ JD Mobile Communicationsក៏ប្រកាសថា ស្មាតហ្វូន OPPO Find N បានក្លាយជាស្មាតហ្វូនដែលអាចបត់បាននៅលើវេទិកា JD platform នៅក្នុងឆមាសទី 1 នៅក្នុងឆ្នាំ 2022 នេះ។ ស្មាតហ្វូន OPPO Find N នេះដាក់លក់នៅខែធ្នូ ឆ្នាំ 2021 នេះជាមួយនឹងតម្លៃចាប់ពី $1140 ៕
