កាលពីសប្តាហ៍មុននេះ ក្រុមហ៊ុន Redmi បានទម្លាយនូវស្មាតហ្វូន Redmi K50 Ultra នៅក្នុងប្រទេសចិន។ របាយការណ៍ជាច្រើន បានអះអាងថា ស្មាតហ្វូនជំនាន់នេះ នឹងបង្ហាញខ្លួនសម្រាប់ទីផ្សារសកលនៅក្នុងខែតុលានេះ ជាមួយនឹងឈ្មោះហៅថា Xiaomi 12T Pro។ មានការបញ្ជាក់ថា ស្មាតហ្វូននេះ នឹងបង្ហាញវត្តមានជាមួយនឹងស្មាតហ្វូន Xiaomi 12T ផងដែរ។ របាយការណ៍ថ្មីនេះទម្លាយអំពីពណ៌ និងតម្លៃរបស់ស្មាតហ្វូន Xiaomi 12T series។ នៅពេលនេះ អ្នកទម្លាយ Snoopy Tech ក៏ទម្លាយអំពីតម្លៃជាក់ស្តែងរបស់ស្មាតហ្វូន 12T series ផងដែរ។
យោងតាមការបញ្ជាក់របស់អ្នកទម្លាយរូបនេះ បានអោយដឹងថា ស្មាតហ្វូន Xiaomi 12T នឹងមានរ៉េមទំហំ 8GB និងម៉េមូរីទំហំ 256GB ។ ស្មាតហ្វូននេះមានពណ៌ខ្មៅ ទឹកប្រាក់ និងខៀវ។ ស្មាតហ្វូននេះមានតម្លៃ 649 euros ។ ស្មាតហ្វូន Xiaomi 12T Pro នេះនឹងមានម៉េមូរី និងពណ៌ដូចគ្នា។ ស្មាតហ្វូននេះមានតម្លៃ 849 euros។ ស្មាតហ្វូន Xiaomi 12T Pro នឹងមានអេក្រង់ទំហំ 6.67-inch OLED FHD+ 144Hz ជាមួយនឹងប្រព័ន្ធស្កេនក្រយ៉ៅដៃក្រោមអេក្រង់ផងដែរ។ ស្មាតហ្វូននេះប្រើប្រាស់នូវ MIUI 13 និង Android 12 OS។
ស្មាតហ្វូននេះមានបន្ទះឈីប Snapdragon 8+ Gen 1 ជាមួយនឹង LPDDR5 RAM និង UFS 3.1។ ស្មាតហ្វូន 12T Pro នេះមានថាមពលថ្មទំហំ 5,000mAh ជាមួយនឹងបច្ចេកវិទ្យា 120W fast charging។ ស្មាតហ្វូននេះ នឹងមានកាមេរ៉ាខាងមុខទំហំ 20-megapixel និង 108-megapixel (main) + 8-megapixel (ultra-wide) + 2-megapixel (macro) ។ ស្មាតហ្វូន Xiaomi 12T នេះនឹងមានបន្ទះឈីប Dimensity 8100-Ultra ។ ស្មាតហ្វូននេះក៏មានបច្ចេកវិទ្យាសាកថ្មលឿន 67W fast charging ផងដែរ៕