យោងតាមព័ត៌មានថ្មីដែលបានចេញផ្សាយកាលពីពេលថ្មីៗនេះ បាននិយាយថា ស្មាតហ្វូន realme 9i 5G នឹងបង្ហាញខ្លួនជាផ្លូវការនៅថ្ងៃទី 18 ខែសីហា ខាងមុខនេះ ខណៈដែលរូបភាពរបស់ស្មាតហ្វូនថ្មីនេះ ក៏ត្រូវបានគេផុសនៅលើវិបសាយផ្លូវការរបស់ក្រុមហ៊ុននេះ នៅក្នុងប្រទេសឥណ្ឌាផងដែរ។ ជាមួយនិងបង្ហាញខ្លួននៅលើវិបសាយនេះ ត្រូវបានគេមើលឃើញថា គឺមានតែរូបភាព និងបន្ទះឈីបប៉ុណ្ណោះ។ នៅពេលនេះ Appuals បានទម្លាយចេញនូវព័ត៌មានលក្ខណ់សម្បត្តិទូទៅ និងតម្លៃ ព្រមទាំងរូបភាព Realme 9i 5G នេះហើយ។
ផ្អែកតាមការទម្លាយចុងក្រោយនេះ បានបង្ហាញថា Realme 9i 5G ប្រើប្រាស់អេក្រង់ Teardrop notch display និងមានកាមេរ៉ាក្រោយចំនួន 3 គ្រាប់ ព្រមទាំងមានការតម្លើងនូវប្រព័ន្ធសុវត្ថិភាពស្កែនម្រាមដៃនៅលើប៊ូតុងបិទបើកទូរស័ព្ទដែលស្ងិតនៅផ្អនកខាងស្តាំផងដែរ។ ស្មាតហ្វូននេះ នឹងមានពណ៌ខ្មៅ និងពណ៌មាស។ Realme 9i 5G នឹងបំពាក់នូវអេក្រង់ទំហំ 6.6-អ៊ីង IPS LCD បង្ហាញចេញបានកម្រិត FHD+ រត់នៅលើល្បឿន 90Hz refresh rate និងមានកម្រិតឆ្លើយតបនៃការប៉ះលើអេក្រង់ 180Hz ហើយស្មាតហ្វូននេះ នឹងរត់ជាមួយ Android 12 OS ផ្អែកលើ Realme UI 3.0។
សម្រាប់កម្លាំងម៉ាស៊ីនវិញ ស្មាតហ្វូននេះ ដំណើរការលើនៅលើបន្ទឈីប Dimensity 810 និងមានរ៉េមទំហំ 6GB ហើយនិងអង្គចងចាំទំហំ 128GB និងអាចបន្ថែមរ៉េមបាន 5GB តាមរយៈ virtual RAM និងមានរន្ធសម្រាប់ដាក់បន្ថែមបានមេម៉ូរីបានផងដែរ។ ស្មាតហ្វូន Realme 9i 5G នឹងមានការប្រើប្រាស់នូវកាមេរ៉ាមុខទំហំ 8-Megapixel selfie camera ខណៈដែលកាមេរ៉ាក្រោយ គឺមានទំហំ 50-megapixel main camera និងគ្រាប់ទីពីរមានទំហំ 2-megapixel portrait lens ហើយនិងគ្រាប់ទីបីក៏មានទំហំ 2-megapixel macro camera ជាមួយ 4cm focal length ផងដែរ។
និយាយពីតម្លៃវិញ Realme 9i 5G នឹងមានការចេញលកជាមួយជម្រើស 2 ទំហំ គឺ 4GB+64GB និងទំហំ 6GB+128GB ជាមួយនិងតម្លៃ Rs 15,000 (~$188) នៅក្នុងទីផ្សារនេះ។