កាលពីម្សិលមិញនេះ មានការលេចធ្លាយនូវរូបរាបផ្នែកខាងមុខនៃស្មាតហ្វូនរបស់ក្រុមហ៊ុន Xiaomi ម៉ូដែលថ្មី Xiaomi 13 Pro ហើយនៅថ្ងៃមានការ
បន្តបែកធ្លាយនូវរូបភាព Poster ថ្មីមួយទៀតហើយនៅអនឡាញ ដែលម្តងនេះ គឹមានការបង្ហាញពីរូបភាពរបស់ Xiaomi 13 និង 13 Pro នៅក្នុងផ្ទាំងតែមួយតែម្តង។ នៅក្នុងរូបភាពថ្មីនេះ គឺមានបង្ហាញចេញទាំងផ្នែកអេក្រង់និងផ្នែកខ្នាងខាងក្រោយរបស់ស្មាតហ្វូនជំនាន់ថ្មីទាំងពីរនេះថែមទៀតផង។
បើតាមរូបភាពនេះ គឺបានបង្ហាញថា ស្មាតហ្វូន Xiaomi 13 Pro អាចនឹងមានអេក្រង់ដែលមានគែមកោង ខណៈដែលម៉ូដែលស្តង់ដារ គឺនឹងមានអេក្រង់រាបស្មើរ។ ហើយនៅផ្នែកខាងស្តាំនៃស្មាតហ្វូនទាំងពីរនេះ គឺមានការឌីស្សាញប៊ូតុងឡើងចុះសម្លេង និងប៊ូតុងបិទបើកទូរស័ព្ទ។ ហើយបើក្រឡេកមកមើលផ្នែកខាងក្រោយវិញ ស្មាតហ្វូន Xiaomi 13 ទាំងពីរនេះ គឹមានការប្រើប្រាស់នូវម៉ូឌុលកាមេរ៉ា rectangle-shaped។ ដែលគ្រាប់សម្រាប់កាមេរ៉ាគោល គឺទំហំធំ នឹងត្រូវបានគេរំពឹងថា នឹងមានការប្រើប្រាស់នូវសិនស័រថ្មីដែលមានទំហំ 1-អ៊ីង camera sensor ហើយនិងមានការរួមដំណើរដោយកាមេរ៉ាពីរគ្រាប់ទៀត ព្រមទាំង LED flash ផងដែរ។
សូមជំរាបថា កន្លងមកក៏ធ្លាប់មានពាក្យចាចាមអារ៉ាមនិយាយពីការមកដល់នៃស្មាតហ្វូន Xiaomi 13 Series ជាមួយនិងបច្ចេកវិទ្យាថ្មីៗជាច្រើនផងដែរ។ ក្នុងនោះមានការបញ្ជាក់ថា Xiaomi 13 នឹងមានអេក្រង់ទំហំ 6.36 អ៊ីងOLED display មានសមត្ថភាបអាចបង្ហាញចេញបានកម្រិត 1.5K resolution និងមានល្បឿនរត់បាន 120Hz refresh rate។ សម្រាប់ Xiaomi 13 Pro ប្រហែលជាមានអេក្រង់ទំហំ 6.7-អ៊ីង OLED display បង្ហាញចេញបានកម្រិត 2K resolution និងមានល្បឿនរត់ 120Hz refresh rate។
ស្មាតហ្វូន Xiaomi 13 នឹងមានកាមេរ៉ាទំហំ 50-Megapixel ចំនួន 2 គ្រាប់ ខណកដែលគ្រាប់ទីបីនៅមិនទាន់មានាករបញ្ជាក់នោះទេ ហើយចំពោះកាមេរ៉ារបស់ iPhone 13 Pro គឺអាចនឹងមានកាមេរ៉ាទំហំ 50-Megapixel ចំនួន 3គ្រាប់តែម្តង។ ស្មាតហ្វូនថ្មីនេះ នឹងបំបាក់នូវបន្ទះឈីប Snapdragon 8 Gen 2 ដូចគ្នា ហើយនិងមានការប្រើប្រាស់នូវកម្លាំងសាកបញ្ចូលថ្មកម្រិត 100W charging និង 50W wireless charging.