ថ្មីៗនេះ ក្រុមហ៊ុន Apple ទើបតែប្រកាសចេញនូវទូរស័ព្ទជំនានថ្មីរបស់ iPhone 14 ដែលមានដូចជា iPhone 14, iPhone 14 Plus, iPhone 14 Pro និងម៉ូដែលធំជាងគេ iPhone 14 Pro Max ហើយនៅឆ្នាំនេះ ក៏មានរឿងថ្មីផងដែរ ដោយសារតែក្រុមហ៊ុននេះបាននាំមកនូវម៉ូដែល Plus ថ្មីសម្រាប់ជំនួសម៉ូដែល Mini ដែលមានអេក្រង់តូចនោះ។ នៅថ្ងៃនេះបើតាមរបាយការណ៌ចុងក្រោយរបស់ក្រុមហ៊ុនបច្ចេកវិទ្យាយក្ស Cupertino បានអោយដឹងថា ក្រុមហ៊ុននេះ នឹងធ្វើការកាត់បន្ថយទៅលើម៉ូដែល iPhone 14 ហើយ ដោយសារតែតម្រូវការទៅលើអេក្រង់ទំហំនេះ គឺមានតួរលេខទាបពេក ធៀបនឹងជំនាន់មុន។
យោងតាមរបាយការណ៌ ITHome ដែលជាប្រភពមួយនៃអ្នកផ្គត់ផ្គង់ បានបញ្ជាក់ថា ក្រុមហ៊ុន Foxconn បាននឹងកំពុងតែធ្វើការកែសម្រួលទៅលើខ្សែរសង្វាក់ផលិតកម្មចំនួន 5 ដែលកំពុងតែផលិត iPhone 14 នៅទីក្រុង Zhengzhou ប្រទេសចិន។ ជាមួយនិងព័ត៌មាននេះ មានការបញ្ជាក់ថា ការកាត់បន្ថយនេះ គឺមិនទាន់កំណត់តែទៅលើអេក្រង់ទំហំ 6.1-អ៊ីង iPhone 14 ឬទំហំ 6.7-អ៊ីង iPhone 14 Plus នោះទេ។ ចំណុចដែលគេមើលឃើញពីតម្រូវការទាបនោះ គឺអាចមកពីម៉ូដែល iPhone 14 មានអេក្រង់ទំហំប៉ុនគ្នាជាមួយ iPhone 13 ក៏ថាបាន។
ដូចគ្នានេះដែរ បើតាមរបាយការណ៌របស់លោក Ming-Chi Kuo ក៏បានបញ្ជាក់ដែរថា ក្រុមហ៊ុន Apple គឺបាននឹងកំពុងតែមានការបង្កើននូវការផលិតទៅលើ iPhone 14 Pro ជំនួសវិញផងដែរ ដោយយសារម៉ូដែលនេះ ត្រូវបានគេមើលឃើញថា មានតម្រូវការខ្ពស់ ដែលអាចនឹងមានការបំបែកកំណត់ត្រាការលក់ផងដែរ បើប្រៀបធៀបជាមួយនិងជំនាន់មុន។ លោកបានបន្តថា ការកាត់បន្ថយទៅលើ iPhone 14 នៅពេលនេះ គឺជំនួយដោយការផលិត iPhone 14 Pro វិញ។