នៅថ្ងៃនេះ មានការលេចធ្លាយការឌីស្សាញរូបភាព និងព័ត៌មានជាច្រើនរបស់ OPPO A17 ដែលជាស្មាតហ្វូនលំដាប់ថវិកាជំនាន់ថ្មី ដែលគេដឹងថា នឹងមានការប្រកាសចេញក្នុងពេលឆាប់ៗនេះហើយ។ ព័ត៌មានថ្មីនេះត្រូវបានចែករំលែកដោយលោក Evan Blass តាមរយៈវិបសាយ 91Mobiles។ OPPO A17 ត្រូវបានគេរំពឹងថា គឺជាម៉ូដែលថ្មីរបស់ OPPO A16 ដែលបានប្រកាសចេញកាលពីឆ្នាំមុន។ ស្មាតហ្វូននេះត្រូវបានគេបញ្ជាក់ច្បាស់ថា គឺមានការឆ្លងកាត់វិញ្ញាបនបត្រជាច្រើនរួចមហើយ។
បើតាមរូបភាពនេះ បានបង្ហាញអោយដឹងថា ស្មាតហ្វូបន OPPO A17 នឹងមានអេក្រង់ waterdrop notch ខណៈដែលខ្នងក្រោយត្រូវបានគេសន្និដ្ឋានថា អាចនិងមានការឌីស្សាញពីស្បេក និងមានម៉ូឌុលកាមេរ៉ាមានរាងជា pill-shaped បញ្ឈរវែងចុះក្រោម និងមានការចំនួន 2 គ្រាប់ដែលមានរាងជារង្វង់ និងមាន LED flash ផងដែរ។ ស្មាតហ្វូនថ្មីនេះ មានការឌីស្សាញប៊ូតិងសម្លេង និងប៊ូតងបិទបើកនៅខាងស្តាំ ដែលមានការគាំទ្រដោយការស្កែនម្រាមដៃនៅលើនោះទៀតផង។
OPPO A17 នឹងប្រើប្រាស់នូវបន្ទះឈីបដូចមុនអញ្ចឹង គឺ Helio G35 ដែលមានការទ្រទ្រង់ជាមួយនូវអង្គចងចាំទំហំ 64GB រួមនិងថ្មទំហំ 5,000mAh។ OPPO A17 នឹងមានជម្រើសពណ៌ Orange, Blue និង Black ហើយអាចបង្ហាញខ្លួននៅចុងខែនេះហើយ។