Xiaomi ត្រូវបានគេដឹងថា បានត្រៀមខ្លួនជាស្រេចហើយនៅក្នុងប្រកាសចេញនូវស្មាតហ្វូនស៊េរីថ្មីរបស់ខ្លួនដែលផ្តោតលើនាទីក្មេងៗម៉ូដែល CIVI series ដោយស្មាតហ្វូនម៉ូដែលចុងក្រោយនេះគឺមានឈ្មោះថា Xiaomi CIVI 2 នឹងបង្ហាញខ្លួននៅប្រទេសចិននាថ្ងៃទី 27 ខែកញ្ញានេះហើយ។ នៅមុនការមកដល់ ក្រុមហ៊ុននេះ ក៏បានចែករំលែកនូវព័ត៌មានជាច្រើន រួមមានដូចជា ការឌីស្សាញរូបរាង បច្ចេញវិទ្យា និងលក្ខណៈសម្បត្តិទូទៅជាដើម។ នៅក្នុងទម្លាយចុងក្រោយនេះ គឺនិយាយពីថ្ម និងកម្លាំងសាក របស់ CIVI 2។
សូមជំរាបថា ថ្មីៗនេះ ក្រុមហ៊ុន Xiaomi ទើបតែទម្លាយព័ត៌មានថ្មីមួយនៅលើបណ្តាញសង្គម Weibo ដែលបញ្ជាក់់ថា ស្មាតហ្វូនស៊េរីថ្មីមួយ គឺនឹងមានការបំពាក់នូវថ្មទំហំ 4,500mAh មានការគាំទ្រនូវកម្លាំងសាក 67W fast charging ផងដែរ។ ជាមួយនិងបច្ចេកវិទ្យានេះ ស្មាតហ្វូននេះសាកថ្មពេញម្តងប្រើប្រាស់ពេលត្រឹមតែ 40 minutes ប៉ុណ្ណោះ។ នៅក្នុងទម្លាយនេះ ក៏មានការបបញ្ជាក់ពីការឌីស្សាញរូបរាង និងទម្ងន់ដ៏ស្រាលរបស់ស្មាតហ្វូននេះដែរ។
Xiaomi CIVI 2 ត្រូវបានគេរំពឹងថា នឹងមានការឌីស្សាញអេក្រង់ដូចគ្នាជាមួយនិង iPhone 14 Pro អញ្ចឹងដែរ។ អេក្រង់នេះ គឺមានទំហំ 6.56-អ៊ីង OLED បង្ហាញចេញបានកម្រិត FHD+ ជាមួយល្បឿន 120Hz refresh rate។ សម្រាប់កម្លាំងម៉ាស៊ីនវិញ ស្មាតហ្វូននេះ នឹងប្រើប្រាស់នូវបន្ទះឈីប Qualcomm Snapdragon 7 Gen 1 និងមានរ៉េមទំហំ 12GB ប្រភេទ LPDDR5 RAM និងមានមេម៉ូរីទំហំ 256GB ប្រភេទ UFS 3.1។
ស្មាតហ្វូននេះ នឹងមានកាមេរ៉ាមុខភ្លោះទំហំ 32-Megapixel នឹងមានកាមេរ៉ាក្រោយ 3 គ្រាប់ ដែលកាមេរ៉ាគោលមានទំហំ 50-Megapixel គាំទ្រដោយមុខងារទប់លំនឹង OIS និងមានការអមដំណើរដោយគ្រាប់ទីពីរមានទំហំ 8-Megapixel ultra-wide lens ហើយនិងគ្រាប់ទីបីទំហំ 2-Megapixel macro។ ស្មាតហ្វូន Xiaomi CIVI 2 នឹងរត់នៅលើ Android 12 OS ផ្អែកលើស្បែកម្មវិធី MIUI 13។