ក្រុមហ៊ុន OPPO ត្រូវបានគេរំពឹងថា នឹងមានប្រកាសចេញនូវ Find X6 និង X6 Pro ដែលជាម៉ូដែលប្រណិតរបស់ខ្លួនសម្រាប់ឆ្នាំ 2023 នៅពេលដ៏ខ្លីខាងមុខនេះហើយនៅមុនការមកដល់ជាផ្លូវការនេះ ក្រុមហ៊ុនបច្ចេកវិទ្យាដ៏ធំរបស់ប្រទេសចិនមួយនេះ ក៏បានបញ្ជាក់ថា ស្មាតហ្វូននេះនឹងមានការប្រើប្រាស់នូវបន្ទឈីប Snapdragon 8 Gen 2 ផងដែរ។ នៅថ្ងៃនេះ ក្រុមហ៊ុននេះក៏បានទម្លាយចេញនូវដំណឹងថ្មីស្តីពីកាមេរ៉ាដែលប្រើប្រាស់នៅលើស្មាតហ្វូនស៊េរីថ្មី OPPO Find X6 Series នេះទៀតហើយ។
បើតាមការទម្លាយចេញពី Digital Chat Station នៅលើបណ្តាញ Weibo គឺបានបង្ហាញពីទំហំកាមេរ៉ារបស់ស្មាតហ្វូន OPPO Find X6 series នេះហើយ ដោយក្មុងនោះ គឺមានការសសេរថា សម្រាប់ស្មាតហ្វូនម៉ូដែលស្តង់ដារ OPPO Find X6 គឺនឹងមានការបំពាក់មកជាមួយនូវកាមេរ៉ា 3 គ្រាប់ ដោយកាមេរ៉ាគោលគឺមានទំហំ 50-megapixel ហើយនិងមានការអមមកនូវគ្រាប់ទីពីរមានទំហំ 50-Megapixel Ultrawide-Lens និងគ្រាប់ទីបី 32-Megapixel telephoto។
បើក្រឡេកមកមើលម៉ូដែលធំជាងគេរបស់ OPPO Find X6 ក៏នឹងមានកាមេរ៉ា 3 គ្រាប់ដូចគ្នា ប៉ុន្តែមានការប្រើប្រាស់នូវកាមេរ៉ាទំហំ 50 ទាំងបីគ្រាប់តែម្តង ក្នុងនោះកាមេរ៉ាមេទំហំ 50-Megapixel គ្រាប់ទីពីរទំហំ 50-Megapixel telephoto និងគ្រាប់ទីបីក៏ទំហំ 50-Megapixel ultrawide camera ផងដែរ។ បើសិនជាព័ត៌មាននេះ ពិតមែននោះ ស្មាតហ្វូនទាំងពីរនេះ នឹងក្លាយជាម៉ូដែលថ្មី ដែលមានកាមេរ៉ាខ្លាំងបំផុត។
ទាក់ទងជាមួយស្មាតហ្វូននេះដែរ ស្មាតហ្វូន Find X6 ក៏ត្រូវបានគេទម្លាយថា នឹងមានអេក្រង់កម្រិត 1.5K ខណៈដែលម៉ូដែៈល Find X6 Pro នឹងមានអេក្រង់កម្រិត 2K resolution ហើយបន្ថែមពីនេះ ក៏មានការបញ្ជាក់ទៀតថា ស្មាតហ្វូននេះ ក៏នឹងមានការបំពាក់មកជាមួយនូវបន្ទះឈីប Snapdragon 8+ Gen2 ផងដែរ។ ចំពោះម៉ូដែល Find X6 អាចនឹងប្រើប្រាស់ត្រឹមតែបន្ទះឈីប Snapdragon 8+ Gen1 ប៉ុណ្ណោះ។ OPPO Find X6 អាចនឹងបង្ហាញវត្តមាននៅឆ្នាំក្រោយ (2023)។
