Huawei Nova 10 SE គឺជាស្មាតហ្វូនជំនាន់ថ្មីមួយទៀតរបស់ត្រកូល Nova 10 Series ដែលពេលនេះ ត្រូវបានគេមើលឃើញថា បានបង្ហាញវត្តមាននៅលើទីផ្សារអាហ្វ្រិកខាងងត្បូងហើយ។ បើនិយាយទៅ “SE” នេះគឺជាម៉ូដែលទី 3 របស់នៃស្រឡាយគ្រួសារ Nova 10 ដែលមានបងប្អូនពីរទៀត Nova 10 និង Nova 10 Pro។
Huawei Nova 10 SE ត្រូវបានក្រុមហ៊ុនតម្លើងមកជាមួយនូវអេក្រង់ទំហំ 6.67-អ៊ីង OLED បង្ហាញចេញបានកម្រិត Full HD+ resolution នៅលើខ្នាត 20:9 aspect ratio ហើយនិងមានសមត្ថភាពអាចរត់បានល្បឿន a 90Hz refresh rate។ ស្មាតហ្វូននេះ មានកាមេរ៉ាមុខទំហំ 16-Megapixel និងមានកាមេរ៉ាក្រោយ 3 គ្រាប់ គឺមានទំហំ 108-Megapixel និងគ្រាប់ទីពីរមានទំហំ 8-Megapixel ultra-wide ហើយនិងគ្រាប់ទីបីមានទំហំ 2-Megapixel macro។
ស្មាតហ្វូននេះរត់ជាមួយនិង Android 12 OS និងស្បែក Magic UI ប៉ុន្តែមិនមានការគាំទ្រនូវសេវាកម្ម Google apps និងPlayStore នោះទេ។ ជាមួយគ្នានេះ គេក៏នៅមិនទាន់ដឹងថា ស្មាតហ្វូននេះ នឹងប្រើប្រាស់បន្ទះឈីបអ្វីនោះដែរ ហើយក៏មិនមានការបញ្ជាក់ពីការប្រើប្រាស់បច្ចេកវិទ្យា 5G ដូចគ្នា។ សម្រាប់រ៉េមវិញ ស្មាតហ្វូននេះ មានរ៉េមទំហំ 8GB និងអង្គចងចាំទំហំ 256GB។ ស្មាតហ្វូននេះ មានថ្មទំហំ 4,500mAh និងមានការគាំទ្រដោយកម្លាំងសាក 66W fast charging។ ចំពោះការភ្ជាប់ ស្មាតហ្វូន Nova 10 SE អាចប្រើស៊ីមពីរ មាន Wi-Fi, Bluetooth, GPS និង USB-C។ ស្មាតហ្វូននេះ មានកម្រ៉ាស់ 7.39mm និងទម្ងន់ 184 grams។
