ក្រុមហ៊ុន Vivo ត្រូវបានគេបញ្ជាក់ថា នឹងបង្ហាញចេញនូវស្មាតហ្វូនជំនាន់ទី 2 របស់ខ្លួនម៉ូដែល Vivo X Fold+ នៅក្នុងប្រទេសចិននាថ្ងៃនេះហើយនៅមុនការប្រកាសចេញនេះ ស្មាតហ្វូននេះ ត្រូវបានគេប្រទះឃើញថា បានបង្ហាញវត្តមាននៅលើវិបសាយ Wireless Power Consortium ហើយ ដែលថែមទាំងមានការបញ្ជាក់ពីការឌីស្សាញរូបងរា និងការប្រើប្រាស់នូវបន្ទះឈីប រួមជាមួយនិងមុខងារថ្មីៗមួយចំនួនរបស់ស្មាតហ្វូននេះថែមទៀតផង។
បើតាមទម្លាយនៅលើ MySmartPrice គឺបានបង្ហាញថា ស្មាតហ្វូន Vivo X Fold+ គឺបានឆ្លងកាត់វិបសាយ Wireless Power Consortium រួចហើយ ជាមួយនិងលេខម៉ូដែល V2229A ហើយនៅលើតារាងនេះ ក៏មានការបង្ហាញនូវរូបភាពថ្មីរបស់ស្មាតហ្វូនជំនាន់ថ្មីនេះផងដែរ។ បើមើលទៅលើរូបភាពថ្មីនះ គឺមិនមានអ្វីខុសពីម៉ូដែលមុនប៉ុន្មាននោះទេ ដោយគ្រាន់តែស្មាតហ្វូនបត់បានថ្មីនេះ នឹងមានបន្ថែមនូវពណ៌ក្រហមថ្មីតែប៉ុណ្ណោះ។
ទាក់ទងនិងព័ត៌មានផ្សេងៗនោះ បើតាមការទម្លាយកន្លងមក គឺមានការបញ្ជាក់ថា Vivo X Fold+ នឹងមានការប្រើប្រាស់នូវទំហំអេក្រង់ខាងក្នុងដូចម៉ូដែលមុនដែរ គឺមានទំហំ 8.03-អ៊ីង ខណៈដែលអេក្រង់ខាងក្រៅ គឺមានទំហំ 6.53-អ៊ីង ហើយអេក្រង់ទាំងពីរនេះ គឺមានសមត្ថភាពដូចគ្នា គឺមានអាចរត់បានជាមួយល្បឿន 120Hz refresh rate។ ងាកមកកម្លាំងម៉ាស៊ីនវិញ ស្មាតហ្វូនបត់បានជំនាន់ទីពីររបស់ក្រុមហ៊ុន vivo នេះ គឺមានការបំពាក់មកនូវបន្ទះឈីប Snapdragon 8+ Gen 1។
ស្មាតហ្វូននេះត្រូវបានគេដឹងថា បានឆ្លងកាត់ការធ្វើតេស្តពីស្ថាប័ន Antutu រួចហើយ គឺមានសមត្ថភាពខ្ពស់។ ស្មាតហ្វូននេះមានរ៉េមទំហំ 12GB និងអង្គចងចាំនៅក្នុងម៉ាស៊ីនទំហំ 512GB។ និយាយពីថាមពលវិញ ស្មាតហ្វូននេះមានថ្មទំហំ 4,730mAh គាំទ្រដោយកម្លាំងសាក 80W wired charging និង 50W of wireless charging។ ស្មាតហ្វូននេះមានកាមេរ៉ា 4 គ្រាប់ គឺកាមេរ៉ាគោលមានទំហំ 50-Megapixel គ្រាប់ទីពីរមានទំហំ 48-Megapixel ultra-wide ខណៈដែលទីបីមានទំហំ 12-megapixel portrait ហ៊្សូមបាន 2x optical zoom និងគ្រាប់ទីបួនមានទំហំ 8-Megapixel periscope lens អាចហ៊្សូមបាន 5x optical zoom។ ចំពោះកាមេរ៉ាមុខ គឺមានទំហំ 16-megapixel selfie camera.