ក្រុមហ៊ុន Apple ទើបតែបានប្រកាសចេញនូវ iPhone 14 Series កាលពីពេលថ្មីៗនេះហើយនិងមានការប្រកាសចេញលក់រូចហើយ។ នៅពេលនេះ មានដំណឹងថា ក្រុមហ៊ុនអាមេរិកាំងមួយនេះ បាននឹងកំពុងតែធ្វើការនៅលើជំនាន់ថ្មីមួយទៀតហើយ គឺ iPhone 15 lineup ហើយក៏មានការចែករំលែកព័ត៌មាននៅលើអនអនឡាញផងដែរ ហើយក៏មានការទម្លាយថា ក្រុមហ៊ុនេះ ក៏នឹងធ្វើការផ្លាស់ប្តូរឈ្មោះទៅលើជំនាន់ថ្មីនេះដែរត។
យោងតាមព័ត៌មានចុងក្រោយដែលចែកចាយដោយលោក Mark Gurman ដែលជាអ្នកតំណាង Bloomberg និងជាប្រភពជឿជាក់មួយនោះ បាននិយាយថា ក្រុមហ៊ុនបច្ចេកវិទ្យាយក្សដែលមានមូលដ្ឋាននៅi Cupertino បាននឹងកំពុងតែធ្វើការនៅលើស្មាតហ្វូនជំនាន់ថ្មីមួយដែលមានឈ្មោះថា iPhone 15 Ultra ដោយម៉ូដែលនេះ នឹងមកជំនួសកន្លែងរបស់ Max model ថែមទៀតផង។ របាយការណ៍ខាងលើនេះ បានបន្តថា iPhone 15 series នឹងមានការផ្លាស់ប្តូរការឌីស្សាញ បន្ទាប់ពីការវត្តមាន iPhone series ចាប់តាំងពីម៉ូដែល iPhone 12 កាលពីឆ្នាំ 2020 មក។
ការផ្លាស់ប្តូរនេះ អាចនឹងចាប់ផ្តើមពីការប្រើប្រាស់នូវរន្ធ USB-C នៅលើ iPhones ហើយនិងការបំពាក់នូវអេក្រង់ថ្មីសម្រាប់ស្មាតហ្វូន iPhone 15 series គ្រប់ម៉ូដែលទាំងអស់ ហើយនិងមានប្រើមុខងារ Dynamic Island ទៀតផង។ ជាមួយនិងដំណឹងនៃការផ្លាស់ប្តូរសម្រាប់ Pro Max ទៅកាន់ Ultra ត្រូវបានគេនិយាយថា មិនមានអ្វីភ្ញាក់ផ្អើលនោះ ដោយសារតែថ្មីៗនេះ ក្រុមហ៊ុននេះ ក៏ទើបតែបង្កើតនូវម៉ូដែលថ្មីសម្រាប់ Apple Watch series ផងដែរ នោះគឺ Ultra model។