យោងតាមការទម្លាយចេញលោក Mukul Sharma បានបញ្ជាក់ថា ស្មាតហ្វូនថវិកាជំនាន់ថ្មីម៉ូដែល OPPO A77s នឹងបង្ហាញវត្តមាននៅលើទីផ្សារប្រទេសឥណ្ឌានាចុងខែកញ្ញា ឬដើមខែតុលាខាងមុខនេះហើយ។ នៅពេលនេះអ្នកទម្លាយរូបនេះ បានបន្តបញ្ចេញនូវរូបរាងផ្នែកខាងក្រោយរបស់ស្មាតហ្វូននេះ រួមជាមួយនិងបែកធ្លាយលក្ខណៈសម្បត្តិរបស់ស្មាតហ្វូន OPPO A77s ថែមទៀតផង។
ស្មាតហ្វូន OPPO A77s ត្រូវបានគេបញ្ជាក់ថា នឹងមានការប្រើប្រាស់នូវអេក្រង់ទំហំ 6.56-អ៊ីងប្រភេទ LCD បង្ហាញចេញបាននៅក្នុងកម្រិត HD+ resolution។ នៅលើអេក្រង់នេះ គឺមានការឌីស្សាញនូវរន្ធ Teardrop Notch មួយគ្រាប់ ដែលក្នុងរន្ធនេះ គឺមានញាត់នូវកាមេរ៉ាទំហំ 8-Megapixel ដែលទ្រទ្រង់នូវបច្ចេកវិទ្យា AI retouching ផងដែរ។ OPPO A77s នឹងមានកាមេរ៉ា ក្រោយទំហំ 50-Megapixel និងគ្រាប់ទីពីរមានទំហំ 2-Megapixel depth។ សម្រាប់ Software វិញ គឺដំណើរនៅលើ Android 12 OS ផ្អែកលើស្បែកកម្មវិធី ColorOS 12.1។
ស្មាតហ្វូន A77s នឹងបំពាក់មកជាមួយនូវបន្ទះឈីប Snapdragon 680។ ខណៈដែលលោកកន្លងមក លោក Sharma ធ្លាប់បាននិយាយថា ស្មាតហ្វូនថ្មីនេះ នឹងមានពីរជម្រើស គឺទំហំ 6GB+128GB និងមួយទៀត 8GB+128 GB។ សូមជំរាបថា ស្មាតហ្វូននេះអាចបន្ថែមរ៉េមបាន 5GB តាមរយៈមុខងារ virtual RAM។ ស្មាតហ្វូន A77s នឹងមានថ្មទំហំ 5,000mAh គាំទ្រដោយកម្លាំងសាក 33W fast charging។
ស្មាតហ្វូននេះ នឹងមានការប្រើប្រាស់ប្រព័ន្ធស្កែនម្រាមដៃនៅចំហៀងតួ និងមានមុខងារ ultra-linear dual stereo speakers។ ការបែកធ្លាយនេះ បានបញ្ជាក់ទៀតថា ស្មាតហ្វូននេះ នឹងមានកម្រ៉ាស់ 7.99mm។ រហូតមកដល់ពេលនេះ នៅមិនទាន់មានការបញ្ជាក់តម្លៃនៅឡើយទេសម្រាប់ OPPO A77s ខណៈដែល OPPO A77 ដែលមានវត្តមាននៅឥណ្ឌាមានតម្លៃ 15,490 (~$190)។ មានការព្យាករណ៌ថា A77s នឹងមានតម្លៃខ្ទង់ Rs 17,000 (~$209)។
