ស្មាតហ្វូន Xiaomi 12T Series ត្រូវបានគេរំពឹងថា នឹងមានការប្រកាសចេញនៅលើទីផ្សារសកលនាពេលឆាប់ៗនេះហើយនៅមុនពេលវេលាមកដល់នោះ មានការប្រទះឃើញថា ស្មាតហ្វូនម៉ូដែល Xiaomi 12T Pro បានបង្ហាញខ្លួននៅលើមាតិកា Benchmarking រួចហើយថែមទាំងមានការបញ្ជាក់ពីព័ត៌មានមួយចំនួនថែមទៀតផង។
សូមជំរាបថា Xiaomi 12T Series ដែលបង្ហាញខ្លួនឆាប់ៗនេះគឺជាស្មាតហ្វូនលំដាប់ថ្នាក់ប្រណិត និងមានការបញ្ជាក់ពីស្ថាប័ន និងវិបសាយមួយចំនួនផងដែរ។ នៅថ្ងៃនេះស្មាតហ្វូននេះក៏មានវត្តមាននៅលើ GeekBench ដូចគ្នា។ មើលទៅលើបញ្ជីនេះ គឺបានបញ្ជាក់ថា Xiaomi 12T Pro គឺសមត្ថភាពខ្ពស់ព្រមទាំងមានការប្រើប្រាស់ RAM និង ប្រព័ន្ធប្រតិបតិ្តការជំនាន់ថ្មី រួមទាំងការបង្ហាញពិន្ទុផងដែរ។ ស្មាតហ្វូននេះអាចធ្វើបាន 1300 ពិន្ទុសម្រាប់ Single Core និង Multi Core ធ្វើបាន 4061 ពិន្ទុ។
Xiaomi 12T Pro ត្រូវបានគេរាយការណ៌ថា គឺជាស្មាតហ្វូនដំបូងបំផុតរបស់ក្រុមហ៊ុបបច្ចេកវិទ្យាយក្សរបស់ចិនមួយនេះ ដែលប្រើប្រាស់នូវកាមេរ៉ា ដែលទំហំធំដល់ទៅ 200-Megapixel។ ជាមួយគ្នានេះនៅលើបញ្ជីរនស់ GeekBench នេះ បានបញ្ជាក់ថា ស្មាតហ្វូននេះមានលេខម៉ូដែល 22081212UG ហើយនិងមានការប្រើប្រាស់នូវបន្ទះឈីបជំនាន់ចុងក្រោយ Snapdragon 8+ Gen 1 SoC និងក្រាហ្វិកាត Adreno 630 GPU។ បន្ថែមពីនេះនៅលើបញ្ជី GeekBench ក៏មាមការបង្ហាញពីទំហំរ៉េមដែលប្រើប្រាស់នៅលើស្មាតហ្វូននេះផងដែរ គឺមានទំហំ 8GB។