OPPO នឹងមានវត្តមាននៅក្នុងប្រទេសប្រេស៊ីល ហើយថែមទាំងត្រៀមខ្លួនក្នុងការផលិតស្មាតហ្វូននៅទីនោះទៀតផង!

ថ្មីៗនេះ មានរឿងដែលគួរអោយភ្ញាក់ផ្អើលមួយដែលពេលនេះ ក្រុមហ៊ុន OPPO ត្រូវបានមើលឃើញថា នឹងមានវត្តមាននៅក្នុងប្រទេសប្រេស៊ីល។ OPPO គឺជាក្រុមហ៊ុនមួយនៅក្នុងចំនោមក្រុមហ៊ុនផលិតស្មាតហ្វូនធំៗជាច្រើនត្រៀមខ្លួនក្នុងការបង្ហាញវត្តមាននៅក្នុងប្រទេសអាមេរិកខាងត្បូងនេះ។ ក្រៅពីជាក្រុមហ៊ុនផលិតស្មាតហ្វូននោះ ក្រុមហ៊ុន OPPO ក៏ជាអ្នកនាំមុខនៅក្នុងបច្ចេកវិទ្យា និងការច្នៃប្រឌិតថ្មីផងដែរ។ ដំណឹងនេះ ពិតជាល្អមែនទែនក្នុងការមានវត្តមាននៅលើទីផ្សារនៃប្រទេសប្រេស៊ីលនេះ។ 

សូមបញ្ជាក់ថា ប្រទេសប្រេស៊ីល ត្រូវបានគេនិយាយថា មិនមែនជាទីផ្សារដែលងាយស្រួលសម្រាប់ក្រុមហ៊ុនផលិតស្មាតហ្វូននោះទេ ដោយសារទីផ្សារមួយនេះ មានអត្រានៃការនាំចូលច្រើនមែនទែន។ បន្ថែមពីនេះទៀតនោះ កាតព្វកិច្ចជាច្រើននៅក្នុងប្រទេសនេះក៏ខ្ពស់ផងដែរ។ ក្រុមហ៊ុន OPPO នឹងព្យាយាមក្នុងការលក់ទៅលើស្មាតហ្វូន Reno7 ហើយនេះ មិនមែនជារឿង ចុងក្រោយបំផុតសម្រាប់ក្រុមហ៊ុននេះនោះទេ ប៉ុន្តែនេះ គឺជាការវិវត្តន៍មួយទៀតនៃខ្សែបន្ទាត់សុវត្ថិភាព។

ក្រុមហ៊ុន OPPO ក៏បង្កើតនូវការសហការគ្នាជាមួយនឹងហាងក្នុងស្រុកជាច្រើន ដើម្បីលក់នូវស្មាតហ្វូនទាំងនោះ។ ការប្រកាសជាផ្លូវការរបស់ក្រុមហ៊ុននេះ នឹងចាប់ផ្តើមនៅថ្ងៃច័ន្ទសប្តាហ៍ក្រោយនេះ។ ក្រុមហ៊ុននេះ ក៏មានគម្រោងក្នុងការសិក្សាទៅលើទីផ្សារនៅក្នុងរយៈពេលប៉ុន្មានខែខាងមុខនេះ។ ប្រសិនបើការប៉ុនប៉ងនេះជោគជ័យនោះ ក្រុមហ៊ុន OPPO នឹងបង្កើតរោងចក្រផលិតនៅក្នុងស្រុកដើម្បីបំពេញនូវមហិច្ឆិការបស់ខ្លួនផងដែរ៕