ក្រុមហ៊ុន Nvidia បង្ហាញចេញនូវក្រាហ្វិកកាត RTX 40-Series ហើយនឹងប្រកាសចេញលក់នៅលើទីផ្សារនៅខែក្រោយ

នៅថ្ងៃនេះ ក្រុមហ៊ុន Nvidia បានបង្ហាញនូវក្រាហ្វិកកាតថ្មីចំនួន 3 ដែលផ្អែកនៅលើស្ថាបត្យកម្មជំនាន់ថ្មី។ ក្រាហ្វិកកាតនេះអាចរកទិញបាននៅខែក្រោយនេះ ហើយតម្លៃចាប់ផ្តើមរបស់វាគឺ $899 ។ ក្រាហ្វិកកាត RTX 4090 នេះប្រើប្រាស់នូវ 16384 CUDA cores ដែលមានល្បឿន  boost clocks ដល់ទៅ 2.52GHz។  ក្រាហ្វិកកាតនេះ មានកម្លាំង 24GB GDDR6X Memory និង 384-Bit Memory Interface។ ក្រុមហ៊ុន Nvidia បានបញ្ជាក់ថា ក្រាហ្វិកកាតនេះ មានល្បឿនលឿនជាងមុន 2.4 ដងបើធៀបជាមួយនឹងក្រាហ្វិកកាត RTX 3090 Ti។ ក្រាហ្វិកកាត RTX 4090 ថ្មីនេះមានកម្លាំង 450W ហើយនិងមានតម្លៃ $1599 ព្រមទាំងអាចរកទិញបានចាប់ពីថ្ងៃទី 12 ខែតុលា។ 

សម្រាប់ក្រាហ្វិកកាត RTX 4080 វិញ គឺមានចំនួន 2 ស៊េរី ដែលមាន 9728 CUDA Cores និង 2.51GHz Boost Clock។ ក្រាហ្វិកាតនេះមានកម្លាំង 16GB GDDR6X Memory ជាមួយនឹង 256-bit interface។ ក្រុមហ៊ុន  Nvidia និយាយថា ក្រាហ្វិកាតនេះ ក៏មានល្បឿន 2.4 លឿនជាងក្រហ្វិកកាត RTX 3080 Ti ផងដែរ។ សម្រាប់មួយទៀត គឺមានកម្លាំង 12GB GDDR6X Memory និង 192-Bit Memory Interface។ ក្រាហ្វិកាតនេះមានសមត្ថភាពអាចរត់បាន 7680 CUDA cores និង 2.61GHz Boost Clock។ សម្រាប់ក្រាហ្វិកាតប្រភេទ 16GB នេះ មានកម្លាំង 320W និង 12GB ដែលមានកម្លាំង  285W។ ក្រាហ្វិកាត RTX 4080 មានតម្លៃ $1199 និង $899 ហើយនឹងអាចរកទិញបាននៅក្នុងខែវិច្ឆិកានេះ។

ក្រុមហ៊ុន Nvidia នឹងចាប់ផ្តើមលក់នូវក្រាហ្វិកកាត Founders Edition cards សម្រាប់ RTX 4090 និង 16GB RTX 4080 ជាមួយនឹងម៉ូឌែលជាច្រើនចេញពីដៃគូ AIB របស់ខ្លួនដូចជា ASUS, Colorful, Gainward, Galaxy, GIGABYTE, INNO3D, MSI, Palit, PNY និង  ZOTAC ។ ក្រាហ្វិកកាតនេះមាន HDMI 2.1 និង DisplayPort 1.4a connectivity ផងដែរ៕