យោងតាមដំណឹងចុងក្រោយនេះ បាននិយាយថា ក្រុមហ៊ុន Google គ្រោងនឹងប្រកាសចេញនូវស្មាតវ៉ច Pixel 7 Series នៅលើទីផ្សារសកលនៅថ្ងៃទី 6 ខែតុលាខាងមុខនេះហើយ។ ក្រុមហ៊ុនអាមេរិកមួយនេះ ត្រូវគេរំពឺងថា នឹងប្រកាសចេញនូវ Pixel Watch, Chromecast និង Nest WiFi Pro 6E router នៅក្នុងព្រឹត្តិការណ៍នេះផងដែរ។ នៅមុនព្រឹត្តិការណ៍នៃការប្រកាសនេះ ក៏មានការបែកធ្លាយកាលបរិច្ឆេទនៃការនាំចេញទៅលើស្មាតហ្វូន Pixel 7 series នេះផងដែរ។
តាមការបញ្ជាក់នៅក្នុងរបាយការណ៍ជាច្រើននោះ បាននិយាយថា ស្មាតហ្វូន Pixel 7 series នឹងធ្វើការនាំចេញនៅថ្ងៃទី 18 ខែតុលានេះ ហើយ Pixel Watch នេះនឹងចាប់ផ្តើមនាំចេញនៅថ្ងៃទី 4 ខែវិច្ឆិកានេះ។ សូមជំរាបថា ស្មាតហ្វូន Pixel 7 Pro នេះ នឹងមានអេក្រង់ទំហំ 6.7-អ៊ីង ល្បឿន 120Hz OLED។ ស្មាតហ្វូននេះនឹងមានបន្ទះឈីប Tensor G2 ជាមួយនឹងរ៉េមទំហំ 12GB។ ស្មាតហ្វូននេះមានសេនស័រចំនួន 3 គ្រាប់នៅផ្នែកខាងក្រោយ។ ស្មាតហ្វូននេះមានកាមេរ៉ា 50MP main camera (Samsung GN1), 13MP ultrawide camera (Sony IMX38) 48MP telephoto(Samsung GM1) ។ស្មាតហ្វូននេះមានកាមេរ៉ាខាងមុខទំហំ 10.87MP (Samsung 3J1)។
សម្រាប់ស្មាតហ្វូន Pixel 7 មានអេក្រង់ទំហំ 6.4-អ៊ីង និងមានល្បឿន 90Hz OLED ជាមួយនឹងកាមេរ៉ា 50MP main camera (Samsung GN1) និង 13MP ultrawide camera (Sony IMX38) ។ ស្មាតហ្វូននេះមានបន្ទះឈីប Tensor G2៕
