កាលពីខែមិថុនាកន្លងទៅនេះ អ្នកទម្លាយ Digital Chat Station ធ្លាប់បានអះអាងថា បន្ទះឈីប Snapdragon 8 Gen 2 (SD8550) នឹងប្រើប្រាស់នូវស្ថាបត្យកម្ម 1+2+2+3 CPU ដែលមាន 1x Cortex-X3, 2x Cortex-A720, 2x Cortex-A710 និង 3x Cortex-A510 cores។ ទាក់ទងជាមួយនិងព័ត៌មាននេះ ក៏មានការទម្លាយផ្សេងទៀត ដែលចេញពីអ្នកទម្លាយ Ice universe ដែលនិយាយថា បន្ទះឈីប Snapdragon 8 Gen 2 នេះនឹងមាន 2 xCortex-A715 cores ជាជាងការប្រើប្រាស់នូវ Cortex-A720។ សម្រាប់ Cortex-X3 នេះនឹងមានល្បឿន max clock ដល់ទៅ 3.2GHz ខណៈពេលដែល Cortex-A510 នឹងមានល្បឿនដល់ទៅ 2GHz។ បន្ទះឈីប Cortex-A715 និង Cortex-A710 Cores នឹងមានល្បឿន Clock ដល់ទៅ 2.8GHz។
បន្ទះឈីប Snapdragon 8 Gen 2 នេះ នឹងប្រើប្រាស់នូវក្រាហ្វិកកាត Adreno 740 GPU ដែលអាចប្រើប្រាស់បានទៅលើការងារធំៗដូចជាការលេងហ្គេម និងការកែប្រែទៅលើវីដេអូ។ បន្ថែមពីនេះនៅលើបន្ទះឈីប Snapdragon 8 Gen 2 នេះ អាចរត់ជាមួយល្បឿន 3.4GHz ទៅ 3.5 GHz ផងដែរ។ រហូតមកដល់ពេលនេះ គេនៅមិនទាន់មានការបញ្ជាក់អំពីការប្រកាសចេញនូវបន្ទះឈីប Snapdragon 8 Gen 2 ប៉ុន្តែក្រុមហ៊ុន Qualcomm នឹងរៀបចំនូវព្រឹត្តិការណ៍ Snapdragon Summit ចាប់ពីថ្ងៃទី 15-17 ខែវិច្ឆិកាខាងមុខនេះ៕