នៅសល់តែរយៈពេលប៉ុន្មានថ្ងៃទៀតមុនការប្រកាសជាផ្លូវការនោះ ស្មាតវ៉ច Pixel Watch ក៏បានបែកធ្លាយនៅក្នុងវីដេអូទម្លាយបើកប្រអប់ថ្មីមួយដែលផ្តល់ឱកាសអោយអ្នកអាចមើលទៅលើគ្រប់ជ្រុងនៃស្មាតវ៉ចរបស់ក្រុមហ៊ុន Google នេះ។ ស្មាតវ៉ច Pixel Watch ដែលគេបើកប្រអប់នោះ ក៏បានបែកធ្លាយប៉ុន្មានថ្ងៃមុនការប្រកាសជាផ្លូវការផងដែរ។
ខណៈពេលដែលស្មាតហ្វូន Pixel 7 និង Pixel 7 Pro ក្លាយជាប្រធានបទនៃការបែកធ្លាយជាច្រើនកាលពីប៉ុន្មានសប្តាហ៍មុននេះ នៅក្នុងពេលនេះក្រុមហ៊ុនក៏បានងាកផ្តោតទៅលើស្មាតវ៉ចវិញផងដែរ។ ស្មាតវ៉ចថ្មីរបស់ក្រុមហ៊ុន Google ក៏ធ្លាប់មានការបែកធ្លាយនៅក្នុងដៃរបស់អ្នកប្រើប្រាស់ Reddit ផងដែរ។ នៅក្នុងប្រអប់ថ្មីនេះ បានទម្លាយអំពីខ្សែនាឡិកា និងស្មាតវ៉ច Pixel Watch។ ក្រុមហ៊ុន Google ក៏បានប្រើប្រាស់នូវ Magnetic Connection នៅលើស្មាតវ៉ច Pixel Watch ហើយវាក៏អាចភ្ជាប់ជាមួយនឹង USB-C Magnetic Charging ថែមទៀតផង។
ស្មាតវ៉ច Pixel Watch នេះ អាចប្រើប្រាស់បានដល់ទៅ 24 ម៉ោង។ ស្មាតវ៉ច Pixel Watch នេះ អាចប្រើប្រាស់ជាមួយនឹងស្មាតហ្វូនដែលប្រើប្រាស់នូវ Android 8.0 ។ ស្មាតវ៉ច Pixel Watch នេះ ប្រើប្រាស់នូវប្រព័ន្ធប្រតិបត្តិការ Wear OS 3.5 Operating System ។ វាក៏មានប្រភេទ GPS និង LTE, Wi-Fi និង Bluetooth Connections ថែមទៀតផង៕
