ក្រុមហ៊ុន Google បានកំណត់ថ្ងៃនៃការប្រកាសចេញនូវស្មាតហ្វូនជំនាន់ថ្មីរបស់ Pixel 7 series ដែលជាស្មាតហ្វូនលំដាប់ថ្នាក់ប្រណិតរបស់ខ្លួន រួមជាមួយនិងនាឡិកាឆ្លាត Pixel Watch ផងដែរ។ ការសម្ពោធនឹងធ្វើឡើងនៅថ្ងៃទី 6 ខែតុលានេះ ដោយក្រុមហ៊ុននឹងធ្វើការ Live Streamed នៅលើបណ្តាញ YouTube ផ្លូវការរបស់ខ្លួនតែម្តង ហើយសម្រាប់ពេលវេលា គឺនៅម៉ោង 07:00 AM PT និង 10:00 AM ET ឬ 07:30 PM IST។ សម្រាប់វីដេអូនេះ គ្រប់គ្នាអាចចូលបានដោយសេរី។
ក្រុមហ៊ុននេះបាននិយាយថា ស្មាតហ្វូន Google Pixel 7 និង Pixel 7 Pro មានវត្តមាននៅក្នុងព្រឹត្តិការណ៌នេះ។ ផ្អែកលើរបាយការណ៌លេចធ្លាយកន្លងមក គឺបាននិយាយថា Pixel 7 Pro នឹងប្រើប្រាស់នូវបន្ទះឈីប Google Tensor G2 ជាមួយនិងការអាប់ដែតទៅលើ GPU និង NPU យ៉ាងខ្លាំង។ ហើយបើនិយាយពីកាមេរ៉ាវិញ គឺមានម៉ូឌុលចំនួន 3 គ្រាប់ ដោយកាមេរ៉ាមេមានទំហំ 50MP គ្រាប់ទីពីរមានទំហំ 12MP ultra-wide និងគ្រាប់ទីបីមានទំហំ 48MP telephoto។ ចំពោះកាមេរ៉ាមុខមានទំហំ 11MP។ ចំពោះថាមពលថ្មរបស់ស្មាតហ្វូននេះ គឺមានថ្មទំហំ 5,000mAh គាំទ្រដោយកម្លាំងសាក 30W fast charging ខណៈដែលSoftware វិញ គឺរត់នៅលើ Android 13 ចេញពីប្រអប់តែម្តង។
ក្រឡេកមកនាឡិកា Pixel Watch គឺដំណើរការលើបបច្ចេកិវទ្យា Wear OS ដែលមានការច្របាច់បញ្ចូលគ្នាជាមួយនិយ Google’s Wear OS ហើយនិង Samsung Tizen OS ដែលក្រុមហ៊ុនបានប្រើប្រាស់នៅលើនាឡិកាឆ្លាតវៃ wearables។ សូមបញ្ជាក់ថា ទាំងនេះគ្រាន់តែជាព័ត៌មានបឋមប៉ុណ្ណោះសម្រាប់ព័ត៌មានលំអិតសូមតានការផ្សាយបន្តផ្ទាល់ទាំងអស់គ្នា!
