ជាមួយនិងការបង្ហាញវត្តមានរបស់ស្មាតហ្វូន Xiaomi 12T និង 12T Pro កាលពីម្សិលមិញនេះ ឃើញថា ក្រុមហ៊ុន Xiaomi នៅតែបន្តដាក់អោយដំណើរការនូវប្រព័ន្ធប្រតិបត្តិការ Android 12 និងមានការផ្អែកជាមួយនិងស្បែកមុខកម្មវិធី MIUI 13 ដែលធ្លាប់ប្រើប្រាស់នៅលើស្មាតហ្វូនជំនាន់មុនៗអញ្ចឹង ដែលមកដល់ពេលនេះ ស្មាតហ្វូនទាំងនោះ ក៏បាននឹងកំពុងតែចាំអាប់ដែតថ្មីជាមួយ Android 13 ផងដែរ ខណៈដែលមានព័ត៌មានកន្លងមក បានសសេរថា ស្មាតហ្វូនថ្មីៗទាំងនេះ នឹងមានការអាប់ដែត Software រយៈពេលដល់ទៅ 4 ឆ្នាំក្រោយការបង្ហាញខ្លួន។
ប្រភពព័ត៌មានថ្មីនៅពេលនេះ បាននិយាយថា ស្មាតហ្វូនថ្មីនេះ នឹងមានការអាប់ដែត 3 ឆ្នាំ រហូតដល់ Android 15 ហើយក៏នឹងមានការអាប់ដែតប្រព័ន្ធសុវត្ថិភាពបានដល់ទៅ 4 ឆ្នាំ បន្ទាប់ពីការប្រកាសចេញនេះ។ ឆ្នាំនេះ ក្រុមហ៊ុន Xiaomi បានប្រកាសផ្តល់នូវកម្មវិធីពិសេសជាច្រើនទៅលើស្មាតហ្វូន 12T Series ដោយក្រុមហ៊ុន នឹងមានផ្តល់ជូននូវការជួយជុលអេក្រង់មួយដោយឥតគិតថ្លៃសម្រាប់រយៈពេល 6 ខែបន្ទាប់ពីការជាវយកទៅប្រើប្រាស់ និងមានការជួសជុលដោយមិនគិតថ្លៃទៅលើសេវាកម្មរយៈពេល 1 ឆ្នាំទៀត បន្ទាប់ពីផុតសពុលភាពនៃការធានាផ្លូវការ។ សូមជំរាបថា ការផ្តល់ជូននេះ គឺធ្វើឡើងតាមប្រទេសនីមួយៗប៉ុណ្ណោះ។ សូមសាកសួរព័ត៌មានជាមួយនិងសេវាកម្មក្រុមហ៊ុន Xiaomi ដែលនៅក្បែកលោកអ្នក។