កាលពីដើមខែកន្លងទៅនេះក្រុមហ៊ុន realme បានប្រកាសចេញនូវស្មាតហ្វូនស៊េរីថ្មីរបស់ខ្លួន realme 10 5G នៅក្នុងប្រទេសចិនដែលស្មាតហ្វូននេះប្រើប្រាស់នូវបន្ទះឈីប Dimensity 700។ នៅថ្ងៃនេះ ក្រុមហ៊ុនបានប្រកាសចេញនូវជំនាន់់ថ្មីបន្ថែមពីទៀតហើយសម្រាប់ប្រទេសនេះ នៅក្នុងមានដូចជាម៉ូដែល realme 10 Pro និង realme 10 Pro+។ សម្រាប់ស្មាតហ្វុនម៉ូដែល Pro Series ទាំងពីរនេះ មានលក្ខណៈសម្បត្តិថ្មីៗជាច្រើន នៅក្នុងរួមមានដួចជាអក្រង់ 120Hz LCD និង AMOLED display បន្ទះឈីប Snapdragon 695 និង Dimensity 1080 និងមានកាមេរ៉ាទំហំ 108-Megapixel ជាដើម។
លក្ខណៈសម្បត្តិរបស់ realme 10 Pro
realme 10 Pro មានអេក្រង់ទំហំ 6.7-អ៊ីង LCD និងបង្ហាញចេញបានកម្រិត FHD+ resolution និងមានល្បឿន 120Hz refresh rate។ អេក្រង់នេះ គឺមានកញ្ចក់រាបស្មើរ និងមានរន្ធនៅលើអេក្រង់ចំកណ្តាលតែម្តង ដែកលនៅក្នុងរន្ធនេះ គឺមានកាមេរ៉ាទំហំ 16-Megapixel។ ស្មាតហ្វូននេះមានកាមេរ៉ាទំហំ 108-Megapixel និងកាមេរ៉ាទីពីរមានទំហំ 2-Megapixel macro snapper។ ស្មាតហ្វូនដំណើរការនៅលើបន្ទះឈីប Snapdragon 695 និងមានរ៉េមទំហំ 8GB of LPDDR4x RAM និងអង្គចងចាំ 256GB of UFS 2.2 storage។ ស្មាតហ្វូននេះមានប្រព័ន្ធស្កែនម្រាមដៃនៅចំហៀងតួ។
លក្ខណៈសម្បត្តិរបស់ realme 10 Pro+
Realme 10 Pro+ គឺជាស្មាតហ្វូនដំបូងបំផុតរបស់ក្រុមហ៊ុននេះ ដែលមានការឌីស្សាញជាមួយអេក្រង់កោងប្រភេទកញ្ចក់ AMOLED។ អេក្រង់នេះបង្ហាញចេញបានកម្រិត FHD+ resolution ល្បឿន 120Hz refresh rate និង 2160Hz PWM dimming ហើយនិងមានប្រព័ន្ធស្កែនម្រាមដៃនៅអេក្រង់តែម្តង។ អេក្រង់នេះ គឺមានសណ្ឋានគែមកោងកម្រិត 61-ដឺក្រេ និងមានគែមអេក្រង់កម្រ៉ាស់ស្តើងត្រឹមតែ 2.33mm ប៉ុណ្ណោះ។ អេក្រង់ស្មាតហ្វូននេះ គឺមានទំហំ 93.65% ធៀបនឹងតូខ្លួន។
realme 10 Pro+ គឺជាស្មាតហ្វូនជំនាន់ថ្មីដំបូងគេបំផុតនៅក្នុងចំណោមស្មាតហ្វូនជាច្រើនដែលប្រើប្រាស់នូវបន្ទះឈីប Dimensity 1080 និងមានរ៉េមទំហំ 12GB LPDDR4x RAM និងមានអង្គចងចាំ 256GB of UFS 2.2 ហើយនិងមានទម្ងន់ 173 grams ព្រមទាំងកម្រ៉ាស់ 7.78mm។ realme 10 Pro និង 10 Pro+ បង្ហាញវត្តមានជាមួយនិង Android 13 OS ផ្អែកជាមួយនិងស្បែកកម្មវិធី Realme UI 4.0។ ស្មាតហ្វូនទាំងពីតនេះមានថ្មទំហំ 5,000mAh និងកម្លាំងសាក 33W សម្រាប់ម៉ូដែល Pro និង 67W fast charging សម្រាប់ម៉ូដែល Pro+។ ស្មាតហ្វូនទាំងពីរនេះ គឺនឹងមានការគាំទ្រជាមួយ dual SIM support, 5G, Wi-Fi 802.11ac, Bluetooth 5.1, GPS, NFC និងUSB-C port។
តម្លៃ និងការចេញលក់របស់ realme 10 Pro Series
realme 10 Pro និង 10 Pro+ នឹងបង្ហាញវត្តមានជាមួយនិងជម្រើស 3 ពណ៌ ដែលមានដូចជា Sea Blue, Night Black និង Starlight (white)
Realme 10 Pro
•8GB+256GB តម្លៃ – 1,599 Yuan (~$224)
•12GB+256GB តម្លៃ 1,899 Yuan (~$266)
Realme 10 Pro+
•8GB+128GB តម្លៃ1,699 Yuan (~$238)
•8GB+256GB តម្លៃ 1,999 Yuan (~$280)
•12GB+256GB តម្លៃ 2,299 Yuan (~$322)
realme 10 Pro និង 10 Pro+ នឹងចេញលក់នៅថ្ងៃទី 24 ខែវិច្ឆិកានៅប្រទេសចិន និងអាចដាក់លក់នៅលើបណ្តាប្រទេសផ្សេងៗនៅប៉ុន្មានថ្ងៃបន្ទាប់។
