អ្នកទម្លាយ Kartikey Singh និយាយថា Xiaomi 13 អាចនឹងបង្ហាញខ្លួននៅថ្ងៃទី 1 ធ្នូជាមួយនឹងស្បែកមុខកម្មវិធី MIUI 14

មួយរយៈចុងក្រោយនេះ មានពាក្យចចាមអារ៉ាមជាច្រើនបាននិយាយថា ស្មាតហ្វូនស៊េរីថ្មីម៉ូដែល Xiaomi 13 Series នឹងមានការបង្ហាញខ្លួនជាផ្លូវការណ៌នៅក្នុងខែវិច្ឆិកានេះហើយ ប៉ុន្តែរហូតមកដល់ពេលនេះ គឺមានការលើកឡើងខុសគ្នាដោយនិយាយថា នឹធ្វើឡើងនៅពេលក្រោយវិញ។ នៅថ្ងៃនេះ ប្រភពចេញពីរោងកចក្របានបញ្ជាក់ថា ក្រុមហ៊ុន Xiaomi នឹងបង្ហាញវត្តមាននូវស្មាតហ្វូន Flagship នៅខែក្រោយនេះគឺនៅថ្ងៃទី 1 ខែធ្នូតែម្តងហើយពេលនោះ ក៏អាចជាឱកាសដែលនឹងមានការប្រកាសចេញនូវ  MIUI 14 ផងដែរ។ 

ស្របពេលដែលមានដំណឹងថា វត្តមានរបស់ស្មាតហ្វូន Xiaomi 13 អាចនឹងបញ្ចេញឆាប់ៗនេះក៏ដោយ  គេនៅមិនទាន់មានការបញ្ជាក់ជាផ្លូវការនៅឡើយទេ។ ជាមួយគ្នានេះ អ្នកទម្លាយ  Kartikey Singh ក៏បានបញ្ជាក់អំពីកាលបរិច្ឆេទផ្លូវការថា ស្មាតហ្វូន flagship ថ្មីនេះនឹងបង្ហាញខ្លួននៅថ្ងៃទី 1 ខែធ្នូនេះដូចគ្នា។ បើតាមស្ថានភាពនៃទីផ្សារបច្ចុប្បន្ននោះ ស្មាតហ្វូន Xiaomi 13 Ultra ក៏អាចនឹងបង្ហាញខ្លួនលឿនជាងស្មាតហ្វូនម៉ូដែលផ្សេងផងដែរ នេះបើតាមយុទ្ធសាស្រ្តរបស់ក្រុមហ៊ុន Xiaomi។

សូមជំរាបផងដែរថា សម្រាប់ស្បែកមុខកម្មវិធីថ្មី MIUI 14 របស់ក្រុមហ៊ុន Xiaomi នេះ ត្រូវបានគេរំពឹងថា ក៏អាចនឹងប្រកាសស្របពេលជាមួយនឹងវត្តមានរបស់ស្មាតហ្វូន Xiaomi 13 និង  Xiaomi 13 Pro ផងដែរ។ សម្រាប់ស្មាតហ្វូនប្រភេទ Pro អាចនឹងមានបន្ទះឈីប Snapdragon 8 Gen 2៕