ស្មាតហ្វូនជំនាន់ថ្មី Samsung Galaxy S23 Ultra គឺជាម៉ូដែលមួយ ដែលមនុស្សជាច្រើនចាត់ទុកថា គឺជាស្មាតហ្វូនដែលមានភាពលេចធ្លោបំផុត បើទោះបីជាការបែកធ្លាយកន្លងមកបានបង្ហាញតម្រុយថា ស្មាតហ្វូនថ្មីនេះ មិនសូវមានអ្វីផ្លាស់ប្តូរច្រើនពីស្មាតហ្វួន Galaxy S22 Ultra ម៉ូដែលមុនក៏ដោយ។ មកដល់ថ្ងៃនេះ គ្រប់គ្នាប្រាកដជាបានជ្រាបច្បាស់ហើយថា ស្មាតហ្វូននេះ នឹងបំពាក់នូវបន្ទះឈីប Snapdragon 8 Gen 2 និងមានការអាប់ដែតខ្លាំងទៅលើ CPU និង GPU នោះ។
នៅថ្ងៃនេះ នៅលើគណនីមួយដែលមានឈ្មោះថា @RGcloudS បានធ្វើការទម្លាយចេញនូវព័ត៌មានអេក្រង់របស់ស្មាតហ្វូន Galaxy S23 Ultra នេះទៀតហើយ ដោយនៅក្នុងខ្លឹមមសារនេះបានសសេរថា ពន្លឺដែលប្រើនៅលើអេក្រង់ AMOLED នេះ អាចនឹងមានចន្លោះពី 2,100 ទៅ 2,200 nits+ និងមានកម្រិតឆ្លើយតប 960Hz។ មានការជឿជាក់ថា អេក្រង់ស្មាតហ្វូននេះ នឹងមាន PWM (Pulse Width Modulation) រហូតដល់ទៅ 2,000 Hz។ បន្ថែមពីនេះក៏មានការបញ្ជាក់ថា អេក្រង់របស់ Galaxy S23 Ultra គឺអាចនឹងសន្សំសំចៃថ្មបាន 45% ធៀនទៅហ្នឹងជំនាន់មុនថែមទៀត។
សូមជំរាបផងដែរថា ថ្មីៗនេះ ក៏មានការទម្លាយចេញនូវកាមេរ៉ារបស់ស្មាតហ្វូនថ្នាក់ប្រណិតនេះផងដែរ។ បើតាមរបាយការណ៌ចុងក្រោយបំផុតនោះ គឺមានការបញ្ជាក់ថា Galaxy S23 Ultra នឹងមានការប្រើប្រាស់នូវកាមេរ៉ាគោលដែលមានទំហំធំដល់ទៅ 200-Megapixel និងមានគ្រាប់ទីពីរទំហំ 10-Megapixel 10x zoom ខណៈដែលគ្រាប់ទីបីមានទំហំ 12-Megapixel ultra-wide angle lens។ ហើយកន្លងក៏មានការទម្លាយរូបភាពដែលផ្តិតដោយ S23 Ultra ធៀបជាមួយនិង S22 Ultra ហើយនិង Pixel 7 Pro ផងដែរ។
